Prodigal son nga Almazan nahiuli na
Nahiuli na si Raymond Almazan sa iyang panimalay niadtong Dominggo human sa duha ka semana nga magpakita.
Apan pabilin nga wa pay kasiguroan nga mahibalik ba siya sa Rain or Shine o dili.
Si Danny Espiritu, ang nagrepresentar sa 6-8 nga bigman sa Elasto Painter, mibutyag nga sa pagkakaron siya lang una ang moatubang sa representative sa RoS nga si Atty. Mamerto Mondragon aron hisgutan kon unsa plano sa team ni Almazan human sa misteryusong pagkawagtang niini sulod dulan duha ka semana.
Giangkon ni Espiritu nga wala pa usab siya personal nga nakighinabi ni Almazan.
“Kaya kami muna ni Atty. Mondragon ang mag-uusap to know ano plano ng team sa kanya,” matod sa beteranong agent sa mga players nga nakutloan sa Spin.ph.
Si Rain or Shine co-team owner Raymund Yu, sa ilang bahin, miingon nga ilang gisabot ang nahitabo ni Almaza ug ila kining hatagan og igong higayon.
Bisan og wala si Almazan sulod sa ilang tulo ka duwa, apan niadtong Sabado ang Elasto Painters nga nagsangkiig sa duha ka sunodsunod nga kapildihan, misurprisa sa powerhouse Barangay Ginebra, 104-97, sa out-of-town game sa Lucena City.
Si Almazan nanawagan sa management sa Rain or Shine nga ipa-trade siya ngadto sa laing team. Apan dili interesado ang RoS nga mobuhi kaniya bisan pa man og daghang mga team ang gustong mokuha sa iyang serbisyo.