SARAH LAHBATI BALIK SA GMA?
Sa ikatulong adlaw sa certificate of candidacy (COC) niadtong Lunes, October 15, nidagsa sa Commission on Elections (COMELEC) office ang mga nagkadaiyang personalidad sa showbiz.
Matod sa taho sa Pep.ph, si Jolo Revilla subling nagpapili nga bise gobernador sa Cavite alang sa ikaduha niyang termino.
Samtang si Imelda Papin gusto mailog pagbalik ang iyang kanhi posisyon nga bise gobernador sa Camarines Sur.
Surprisa usab ang pagsang-at og COC ni Long Mejia isip kongresista sa unang distrito sa Camarines Sur.
Si Gary Estrada, sa laing bahin, nilansar isip vice mayor sa Cainta, Rizal. Si Estrada nidagan niadtong 2016 isip vice governor sa Quezon province apan napildi.
Subli sad nga magpapili ang magtiayong Richard Gomez isip mayor sa Ormoc ug Lucy Torres-Gomez isip kongresista sa ikaupat nga distrito sa Leyte.
Ang anak sa magtiayong Senador Cynthia Villar ug kanhi senador Manny Villar nga si Camille Villar nidagan nga kongresista sa Las Pinas.
Kongresista usab ang gidaganan sa kontrobersiyal nga si Mocha Uson ubos sa Kasosyo Party-List.
Samtang ang anak ni Senate President Vicente Tito Sotto III nga si Ciara Sotto nisang-at sa iyang CON isip second nominee sa Luntiang Pilipinas Party-List
Si QC mayor Herbert Bautista nilansar isip kongresista samtang ang iyang igsuong si Hero Bautista isip konsehal alang sa ikaduhang termino sa fourth district sa Quezon City.
Ang papa nilang Toni ug Alex Gonzaga nga si Carlito Bonoy Gonzaga nidagan pagka-mayor sa Taytay, Rizal. Si Bonoy ang vice mayor karon sa maong lungsod.
Si Lani Mercado usab isip re-electionist sa pagka-mayor sa Bacoor City, Cavite. /