SSS pension sa akong inahan
Dear Atty. Joan,
Ako si Jenny, 17 years old. Akoang inahan ug amahan kasado pero singko anyos pa lang ko kay naglahi na sila og balay.
Ako ug ang akong manghod kay uban sa amoang amahan ug inahan sukad niadto pa. Apan namatay na ang amoang inahan.
Giingnan mi sa amoang amahan nga siya ra daw ang makakuha sa SSS pension sa amoang inahan kay bisan wala na siya nag-uban sa akong inahan, kasado man sila, human wala daw mi labot kay menor de edad pa man mi. Sakto ba ni ang iya gistorya sa amoa?
Jenny
Dear Jenny,
Sayop ang giingon sa imong amahan nga wala moy labot sa pension sa imong inahan.
Sigon sa atong balaod (RA8282), ang primerang benepisyaryo sa pension sa SSS kay ang asawa/bana hangtud nga makasal siya, o ang mga anak (lehitimo, adopted o ilehitimo) kay maminyo na. Pero ang ilehitimong anak kay makakuha lang og 50% sa katungod sa usa ka lehitimong anak.
Ang bana/asawa para mahimong benepisyaryo sa SSS kay kailangan na legal og kasado og nagsalig sa supporta sa namatay nga asawa/bana.
Ang anak, para mahimong benepisyaryo sa SSS kay kailangan nga wala pa nakasal, walay tarong nga trabaho, nagsalig sa supporta sa namatay na inahan/amahan og wala pa kaabot og 21 kay anyos. Kung ang edad sa anak kay ninglapas na og 21 ka anyos pero kay baldado og dili maka-supporta sa kaugalingon (physically o mentally) kay makonsiderar gihapon nga benepisyaryo.
Kung kamong mag-igsoon kay nagsalig sa inyong inahan, wala pay tarong nga trabaho, wala pa nakasal, og wala pa kaabot og 21 ka anyos, apil mo sa benepisyaryo sa SSS pension sa inyong inahan.
Atty. Joan
Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay mga pangutana nga adunay kalabutan sa katungod sa mga bata, mahimo kamong mo-message pinaagi sa among Facebook account sa Children’s Legal Bureau, Inc.