Nganong maayo mag vegetarian
Ang processed nga karne, sama sa bacon ug ham, maka cancer, matod sa World Health Organization (WHO).
Ang pagtuon nagpakita nga bisan 50 gramos lang sa processed nga karne matag adlaw, tumbas na kini sa duha ka slices sa bacon, moresulta sa 18 porsyentong kahigayunan nga magka colon cancer.
Busa maayo bang mobalhin ngadto sa vegetarian diet? Nia ang mga rason nganong mas makaayo nimo kini: 1. Maayo sa panglawas
Ang vegetarian diet nga ubos og fiber ug taas og potassium mopaubos sa blood pressure, mopaus-us sa cholesterol ug mopaminos sa risgo sa atake sa kasingkasing ug stroke. 2. Mosanta sa cancer
One third sa cancers mapugngan pinaagi sa pag-usab sa lifestyle, lakip na sa healthy diet. Sa pagpugong sa cancer, makaayo kanimo ang pagkaon sa daghan og fiber. Sa matag 10 gramos sa utanon nga imong gikaon, mopaminos kini sa kahigayunan nga dunay motumaw nga bugon sa imong colon. 3. Maayo sa tiyan
Kita mugna sa atoang gikaon. Kon mas makahibawo kita sa bacteria sa atong tiyan, mas makakita kita sa kalambigitan sa maayong bacteria sa atoang pagkaon. Ang pagkaon og mga utanon naghatag og microbiome, nga daghan og maayong bacteria nga gilambigit sa maayong panglawas, mopalig-on sa immune system ug mo-regulate sa ghrelin, ang hormone sa gutom. 4. Mopugong ug tambal sa type 2 diabetes
Ang pag-usab sa diet maoy unang linya sa depensa batok sa diabetes. Ang diet nga puno sa mga tanom nga ubos og fat nag-supply sa lawas og maayong fuel nga mas maka-stable sa blood sugar levels. 5. Makapanindot sa panit Samtang ang vegetarian diet makapalambo sa maayong panglawas sa sulod, makita usab kini sa gawas. Mopahamis kini sa kutis, makapasinaw sa buhok, ug lig-on nga mga kuko.