Don’t hurt my pride
Milingkod kog balik sa swing. Gitabyug-tabyog ni Dino ang gilingkoran kong swing. Samtang ingon adto ang among sitwasyon, morag gusto na sab kong mohilak. Apan nagpugong lang gyud ko sa akong kaugalingon.
Nasugid ko na kang Dino ang nahitabo sa among relationship ni Nick.
“Well, that’s part of relationship, Bel. You know, sa lovelife di gyud ta makaseguro nga siya na ba gyud ang para nato, di ba? May mga sitwasyon nga ingon ana, labi na sa mga laki nga parehas nako. One is not enough para namo. Duna pa gani uban nga moabot og tagutlo ang uyab.”
“Di gyud diay mo kontentong mga laki nga usa ray uyab, Din?”
Miginhawa kog sagunson kay mihuot gyud ang akong dughan.
“No. Di na mao ang rason. Aw, maybe sa ubang laki ingon ana ang mentalidad. Pero sa kadaghanan namo, gusto lang ming maneguro. Kausa ra gud ta kasla. Maong mamili mi kon kinsa gyud ang girl nga angay namong pakaslan, kon kinsa ang angayan gyud namong ikapuyo sa tibuok namong kinabuhi. Ingon lang ana, Bel.”
Wa ko makatingog. Nahunahuna ko nga basig ingon ani ang gusto ni Nick, nakigrelasyon siya namo ni Nelia aron pilian mi niya kon kinsa ang angay niyang pakaslan in the future kon gusto na siyang magminyo?
“How about your feeling to Nick, Bel? I mean, nakigbuwag ka ba niya bisag love gihapon nimo siya tungod sa pagpasakit niya sa imong pride?”
Nagpabilin ko nga naghilom. Unsa man tuod ang tinuod kong gibati kang Nick sa pagpakigbuwag ko niya? Tungod ba lang sa akong garbo nga iyang gipasakitan?
“Hunahunaa pag-ayo ang akong giingon, Bel, mentras sayo pa. Matod nimo, nangayo siyag pasaylo sa iyang nahimo. It means nga giangkon niya ang mao niyang sayop. Timailhan kini nga di niya tuyo ang pagpasakit nimo forever.”
“Ambot ba, Din. Wa pa ko kaseguro kon love ba gihapon nako siya. Well, moabot ko sa punto nga masuta nako ning tanan. Kon maka-move on ko, aw, it means nga wa na koy gugma niya.”
“Kon di gyud ka maka-move on, nagpasabot kini nga gimahal gihapon nimo siya?”
Nakatutok kog dugay kang Dino. Unya mitando ko.
(SUMPAYAN)