Naga landslide

(Tinaan, Naga City, Cebu. Septiyembre 20, 2018)

ALAN TANGCAWAN Cebu City

Ang Kinaiyahan nasuko Sa pagkagusbat sa kalikupan. Midahili ang nakankan nga yuta Sa bakilid sa Tinaan. Daghang kinabuhi ang nakalas Natabunan sa yuta ug balas. Milanog ang daghong ug danguyngoy, Mibuhagay ang mapait nga mga luha, Way kabutangan ang tumang kasakit Sa mga pamilyang gibiyaan

Sa mga nakabsan og kinabuhi, Nila nga sa wa damha mibiya

Nga walay panamilit.

Katahom sa Kinaiyahan! Gasa kini gikan sa Kahitas-an. Angay natong ampingan, Panalipdan ug dili pasipad-an. Pastilan, may mga tawong Mapahimuslanon! Gihimong ‘quarry’ ang bungtod Para sa bato ug yuta pagtukod Sa ilang mga edipisyo.

Wa sila mahadlok nga higabaan!

Dili angay hikalimtan nga kitang Mga tawo patas ra ang tanan. Kitang tanan mobiya ning kalibutan Agad lamang sa tagsa-tagsa nato Nga katapusan.