Rodriguez, Gabas nabingwit na sab sa Cebu City Sharks

Sa tinguha ug padayon nga pagpalig-on sa ilang lineup, ang Cebu City Sharks-Casino Ethyl Alcohol, nakabingwit og laing Sugboanon ug beteranong commercial players.

Si Jayford Rodriguez ug Manny Gabas ang mahidugang sa Sharks human kini hingpit nga gi-release sa ilang mother team, Manila Stars.

"Mosugod na mig praktis ugma sa Sharks. Kaming duha ni Manny Gabas. Makaduwa na mi karong 27 didto sa Zamboan- ga," matod ni Rodriguez sa dihang gikahinabi sa Superbalita.

Dili bag-o alang ni Rodriguez ang sistema ni Sharks coach Titing Manalili sanglit nahimo usab kini niyang coach kaniadto sa GMC team sa Cebu Basketball League (CBL).

Si Gabas nakaduwa usab ni Manalili kaniadto sa USJ-R Jaguars. Sila maoy nasunod ni Adrian Lao nga nakuha usab sa Sharks gikan sa Davao Oriental Tigers.

Ang Sharks, aduna na karoy 3-8 nga baraha.