Knockout tinguha ni Pacquiao batok Broner

Nagtinguha si World Boxing Association (WBA) welterweight champion Manny Pacquiao nga makaposte na sab og knockout nga kadaugan sa iyang pagpakigbatok kang Adrien Broner karong Enero sa sunod tuig. “If I can finish it earlier than

7 rounds, why not?” matod ni Pacquiao nga napatik sa www. boxingscene.com.

Niadtong Miyerkules sa gabii, gianunsyo sa Pambansang Kamao sa Pilipinas nga depensaan niya ang iyang korona karong Enero 12 o 19 sa Las Vegas, USA.

Gipasabot ni Pacquiao nga mga 90 porsiyento nang segurado ang ilang away ni Broner.

Gitataw ni Pacquiao nga mas gusto siyang ipahigayon ang away karong Enero 12 gumikan kay mobalik na siya og trabaho isip senador sa Pilipinas sa Enero 19.

“It’s almost final na. It will take place January 12 or 19, but I want it to take place on 12 kasi back to work na ko ng 19,” pasabot ni Pacquiao.

Sa miagi niyang away, giknockout ni Pacquiao si Argentine Lucas Matthysse sa 7th round niadtong Hulyo 15 sa Kuala Lumpur, Malaysia.

Mao kini ang labing unang knockout nga kadaugan ni Pacquiao sulod sa siyam ka mga tuig.

Ang pagpakigbatok kang Broner nagsilbeng tune-up bout ni Pacquiao una siya makig-away og balik kang Floyd Mayweather Jr.

Sa iyang bahin, si Mayweather gikatakda nga mopahigayon usab og tune up fight sa Enero didto sa Japan.