MGA HIGALA MIGASTO SA SALO-SALO

Kon maayo ang imong pakigrelasyon sa imong isig kaingon, makapasiugda ka og kalihokan bisan og apiki ang imong panudlanan.

Sama kini sa kaagi sa maginahan nga si Alexie Baya ug Mary Nicole Baya.

Bisan kon way igong kwarta ang ilang pamilya, bongga nga napahigayon ang debut

party ni Mary Nicole niadtong Oktubre 7, 2018.

Si Alexie, naila sa iyang pagkamaayong tawo nga daghan og natabangan nga mga higala ug silingan sa lainlaing paagi.

Sa iyang kaayo, nasuklian usab siya og kaayo gikan sa mga tawo nga iyang natabangan.

Atol sa kasumaran sa ika-18 nga birthday ni Mary Nicole, ang mga higala ni Alexie ni-sponsor og lechon baboy,

cake, photography ug giveaways alang sa mga bisita. Gihatagan usab siya og diskwento sa Genes Compound, Barangay Quiot, siyudad sa Sugbo, ang lugar nga gipahigayonan sa debut party.

Apil sa niesponsor ang manghod sa bana ni Alexie, si Waren Baya, 51, nga si Marifi.

“Ang ako na lang gyud kay ang paglihok sa debut party sa akong anak,” paambit sa 39 anyos nga ginang.

Duha sa ilang gipasalamatan mao sila si Aljin Abaquita nga maoy nag-host ug nanghatag og giveaways sa mga bisita ug Lyndon Ricarte nga wa mangayo og bayad sa pagkuha og mga hulagway atol sa party.

Mga klasmeyt, suod nga higala, ninang ug mga igagaw ni Mary Nicole ug mga manghod ug mga higala ni Alexie ang naglangkob sa 18

candles, 18 roses ug 18 treasures sa debutante.

Atol sa iyang debut party, kaduha nag-ilis og gowns si Mary Nicole nga pulos puwa og color ug mga hinatag.

Si Mary Nicole, grade 10 nga tinun-an sa Humanities and Social Sciences sa Asian College of Technology (ACT) sa Barangay Bulacao, dakbayan sa Talisay.

/ TAMPO NGA MGA HULAGWAY ■ MARY, ANG DEBUTANTE: Tagsatagsa nga mibitbit og letra ang pamilyang Baya nga miporma sa pangalan sa debutante nga si Mary Nicole (nagsul-ob og puwa nga gown). Makita sa hulagway (gikan sa wala) ang manghod ni Mary Nicole nga si Cris Neil, inahan nga si Alexie ug amahan nga si Waren Baya.