SuperBalita Cebu

Broner adunay mensahe kang Pacquiao

-

Mismong si World Boxing Associatio­n (WBA) welterweig­ht champion Manny Pacquiao ang mipili kang Adrien Broner isip sunod niyang kontrahon sa dili pa makig-away og balik ang Pambansang Kamao sa Pilipinas kang American Floyd Mayweather Jr.

Kon buot hunahunaon, magsilbeng tune-up bout kini ni Pacquiao alang sa ikaduha nilang panagtagbo ni Mayweather ibabaw sa ring.

Si Broner, kinsa nahimong world champion sa upat ka weight divisions, daw nainsultoh­an niini.

“Come get what you looking for,” mensahe ni Broner sa Instagram alang sa fighting senator sa Pilipinas.

Si Broner, 29, mas batan-on og 10 ka mga tuig kumpara kang Pacquiao.

Nahimong kampiyon si Broner sa World Boxing Organizati­on (WBO) jr. lightweigh­t, World Boxing Council (WBC) lightweigh­t, WBA super lightweigh­t ug WBA welterweig­ht divisions.

Naggunit si Broner og 33-31, 24KOs nga rekord.

Alang sa bantugang Filipino boxing analyst nga si Ed Tolentino, si Broner usa ka perpektong kontrata alang sa tune-up bout ni Pacquiao.

Gipasabot ni Tolentino nga si Broner susama og estilo ni Mayweather hinungdan nga gipili kini ni Pacquiao.

“In Broner, Pacquiao will get a chance to show the fans if he has what it takes to solve the defensive puzzle that is Mayweather. Of course, it is still not the real thing, but Broner presents the ideal preparatio­n for Mayweather 2,” pasabot ni Tolentino sa www.abs-cbnnews.com.

Sa premiro nilang away, midaog si Mayweather batok kang Pacquiao pinaagi sa unanimous decision.

 ??  ?? Broner
Broner

Newspapers in Cebuano

Newspapers from Philippines