BABAYE NANGIHI SA KUSINA AYROPLANO
Nagtuk-ong ug nangihi sa sawog ang pasahero sa Wizz Air human giingong giingnan siya nga di niya magamit ang pansayan samtang ang ayroplano nagpagasolina.
Makakugang nga video diin nagpakita nga ang babaye nagtuk-ong duol sa bungbong samtang nag-estorya sa laing tawo sa iyang phone.
Sa taho sa Metro News, gipalibutan siya sa daghang papel ug daghang ihi.
Ang insidente nahitabo sakay sa Wizz Air flight gikan sa London Luton paingon Warsaw, Poland.
Matod sa taho nga ang ayroplano nagpagasolina ug ang mga pasahero gidid-an nga makaadto sa pansayan samtang gihimo kini.
Niini, ang babaye nga nangangkon nga napugos siya mangihi sa galley kon kusina diin anha andamon ang mga pagkaon.
Sa video, ang babaye makita nga nagsul-ob og knickers ug
leggings nga gihubo kutob sa iyang tuhod ug nakig-estorya sa laing tawo sa phone diin nagkanayon siya nga tabangan siya sa di pa motugpa ang ayroplano kay nangihi siya niini.
Midugang siya sa pagsaysay sa iyang gikatabi nga nangutana siya sa tripolante sa ayroplano kon makagamit siya sa pansayan apan di siya makagamit niini sa naasoyng panahon busa nangihi siya sa
galley atubangan nila. Iyang gipahibawo ang gika-estorya niya nga ang mga pulis nagpadung na kay iya kining sayop.
Ang magtiayon nga British miduol kaniya kon seryuso siya sa iyang gibuhat.
Apan way kalambuan sa nahitabo human miabot ang mga pulis.
Ang video mikawhat og kasuko sa pipila ka mga tawo dihang gipaambit kini sa Passenger Shaming sa Facebook. /