Nawong sa lalake giut-an; mipasaka og kaso sa korte

Midangop sa korte ang usa ka trabahante sa Tesco supermarket human giutotan ang iyang nawong sa iyang kauban.

Si Atif Masood, 42, buot nga bayran siyag £20,000 nunot saracial discrimination nga giingong iyang nasinati sa branch sa Tesco sa Thornton Heath sa London.

Sa taho sa Metro News, matod ni Masood nga dihang giut-an siya sama ra kini sa

bullying ug wa siya makadawat og pasaylo gikan sa supermarket diin giangkon niya nga napakyas sa pag-imbestigar sa iyang reklamo.

Si Masood, kinsa nagtrabaho sa tindahan sukad niadtong 2006, namahayag nga target siya kay usa siya ka Muslim.

Sa iyang bahin, ang Tesco nangangkon nga bisan ilang gitan-aw ang CCTV ug nasuta nilang adunay igong ebidensiya aron suportahan ang iyang alegasyon human ma-review ang CCTV footage.

Si Masood nipadayag nga nakadawat siyag di maayong mga mensahe ug insulto nga may komentaryo nga ang Muslim mga terorista unya gitawag siyang bakakon, matod sa mantalaang Standard.

Matod niya nga biktima siya sa di maayo nga taras diin miresulta nga giyatakan ang iyang dignidad o gipakauwanan siya.

“For the avoidance of any doubt, the respondents deny that they discriminated against (whether directly or indirectly), harassed or victimized the claimant because of, or for a reason related to race, religion or belief, as alleged in the claim form, or

at all,” nagkanayon ang iyang gisang-at nga reklamo.

Ang husay sa kaso gikatakda sunod tuig.

Ang tigpamaba sa Tesco namahayag nga ang tanan ilang gidawat sa Tesco bisan pa man ilang kinatawhan, kaliwat, o edukasyon apan di sila makahatag og panahom ning kasong gisang-at. /