UYOAN, PAG-UMANGKON NASIKOP SA DRUG BUST

Uyoan ug pag-umangkon sa pag-agawan nga taga-Barangay Bankal, Lapu-Lapu City nasikop sa sagunson nga anti-drug operation sa Police Station 5 kagahapon sa buntag.

Samtang 43 anyos nga ginang nga giila nga station level target sa Police Station 3 nadakpan sab tungod sa pagpamaligya og illegal drugs.

Gihulagway nga idlas sa mga kamot sa kapulisan si Consorcio Taghoy Jr., alyas Jay-R, 35, kinsa adunay warrant of arrest sa paghupot og armas ang nadakpan kagahapon sa buntag.

Siya nalakip sa talaan sa

high value target sa Station 5. Sa wa pa madakpi si Consorcio, ang iyang 29 anyos nga paryente nga si Alfie Taghoy nasikop sa buy-bust operation sa Sityo Mahayahay, Bankal.

Si Taghoy nakuhaan og walo ka gagmayng pakete nga adunay sud nga gituohan nga shabu ug P300 nga gituohang halin sa drugas.

Ang uyoan nga si Jay-R kinsa mapahiyumon taliwala sa pusas nga iyang gisul-ob, nahibawo sa iyang dangatan sa rason nga wa siyay laing panginabuhian gumikan kay way modawat kaniya sa higayon nga mo-apply og tra- tungod kay nasud siya sa bilanggoan niadtong 2014.

“Way pulos kon mohilak pa ko. Di man gihapon na makatangtang ining pusas,” rason pa ni Consorcio.

Sa samang kalambuan, ang grupo ni P/SInsp. Diosdado Malazarte sa Police Station 3 misignit ni Rosanna Paquibot, 43, minyo, taga-Sityo Paradise, Barangay Pajo, kinsa nakuhaan og unom ka mga gagmayng pakete nga adunay sud nga gituohang shabu.

Ang pagpamaligya sa maong butang maoy kuhaan sa inadlaw nga panginahanglan sa iyang pamilya ilabi na nga wa siyay trabaho.