Nganong makadaut ang sugar sa lawas
Di maayo ang sugar alang kanimo kay duna kini calories. Kon duna kay kondisyon sama sa diabetes o kondisyon nga may labot sa diabetes, sama sa high blood fat levels, kon mokaon ka og dunay sugar, mosaka ang imong blood sugar ug imong triglycerides, nga risgo alang sa sakit sa kasingkasing.
Ang triglycerides usa ka matang sa tambok sa imong dugo.
Nia ang mga rason nganong makadaut ang sugar:
1. Mopasaka sa timbang
Ang kadaghanon sa tawo nga obese nagsaka sa tibuok kalibutan ug ang added sugar, labina sa tam-is nga mga ilimnon, gituohang usa sa mga hinungdan niini.
2. Mopadako sa kakuyaw sa pagkasakit sa kasingkasing
Ang kadaghan sa pagkaon nga daghan og sugar gilambigit sa pagdako sa risgo sa daghang mga sakit, nga naglakip sa sakit sa kasingkasing, numero unong hinungdan sa kamatayon sa tibuok kalibutan.
3. Gilambigit sa acne
Ang pagkaon nga daghan og refined carbs, lakip na sa mga pagkaon nga daghan og sugar ug softdrinks, gilambigit sa pagsaka og maayo sa risgo sa acne. Kini tungod sa pagsaka sa blood sugar ug insulin
levels, tanan mopadako sa posibilidad sa pagtumaw sa acne.
4. Mopadako sa risgo sa
diabetes
Ang pagdaghan sa mga kaso sa diabetes midoble sa nanglabay nga 30 ka mga tuig. 5. Mopasamot sa risgo sa
cancer
Ang naghinobrang gidaghanon sa sugar hayan mopadako sa kakuyaw nga masakit ka og cancer. Sa us aka pagtuon sa 430,000 ka mga tawo, nakaplagan nga ang pagkunsumo og added sugar gilambigit sa risgo sa esophageal cancer, pleural cancer ug cancer sa small intestine.
6. Mopadako sa risgo sa
depression
Samtang ang imong maayong diet mopanindot sa imong mood, ang pagkaon nga dunay added sugar ug
processed foods mopadako sa kahigayunan nga ikaw masakit og depression. Dunay mga pagtuon nga nagpakita niini.
7. Mopadali sa pagkatiguwang sa panit
Ang mga kunot timaan sa pagkatiguwang. Motumaw ni siya bisan unsa ang kahimtang sa imong panglawas. Apan mosamot kini kon di maayo ang imong mga pagkaon. Mopadali kini sa pagkatiguwang sa panit.
8. Mosuyop sa imong kusog
Mga pagkaon nga dunay daghang added sugar dali kaayong mopasaka sa blood sugar ug insulin levels, nga mosangko sa pagsulbong sa enerhiya. Apan kining pagsaka sa enerhiya makadiyot ra diay.
9. Momugna og fatty liver
Ang taas nga konsumo sa sugar gilambigit sa risgo sa
fatty liver. Ang fructose mahilis lang sa atay. Hinuon kini nga enerhiya sa atay o ipabilin nga glycogen. Apan hangtod ra kini sa makaya sa atay. Ang sobra iyang himuong fat.
10. Momugna og daghang mga sakit.
Mga pagtuon nagpakita nga ang added sugar momugna og daghang mga sakit nga moigo sa kidney, cavities,
gout nga maoy nakaingon sa pagpanakit sa mga lutahan. /