JAMES, LAKERS DAOG NA GYUD
Curry naka 51 puntos, 11 triples sa kadaugan sa GSW v. Wizards
Human sa tulo ka sunodsunod nga pagkapukan, nalangkat na gyud ni LeBron James ug sa bag-ong Los Angeles Lakers ang ilang unang kadaugan pinaagi sa pagpasawop sa Phoenix Suns, 131113, kagahapon sa National Basketball Association.
Si James mipuga og 10 puntos ug unom ka assists aron sugdan sa Lakers sa paglubong ang Suns sa second quarter, 44-24.
Ang tanang starters sa Lakers naka-double figure nga gipangulohan sa 19 puntos ni James kinsa adunay napulo ka assists sulod sa 28 minutos aron pagputol sa ilang nagkutay nga kapildihan sa mga kamot sa Portland, Houston ug San Antonio.
Midugang og 17 si Kyle Kuzma, Josh Hart mitapos sa duwa nga may 15 ug 12 usab ang natampo ni Lonzo Ball. Si Lance Stephenson mihagpat og 23 ug 12 usab ang kang Kentavious Caldwell Pope. Kadto mao usay ikatulong pildi sa Suns kinsa nalihian og daog batok sa Dallas Mavericks sa opening day.
Sa laing bahin, mipaulbo og 51 puntos, 11 niini gikan sa three-point area sulod lang sa tulo ka quarters ug ang Golden State Warriors milubong buhi sa Washington Wizards,
144-122.
Mipugnit usab og 30 puntos si Kevin Durant nga may walo ka rebounds ug pito ka assists, samtang si Draymond Green mihagpat og 11 puntos ug 12 ka assists alang sa two-time defending champions nga misumada og 35 ka assists batok sa Suns.
Sa uwahing bahin sa third
quarter pa gani napugnit na ni Curry ang iyang ika-11 nga tres sa maong duwa.
Mipaulbo usab og 35 puntos si Kawhi Leonard, midugang og 13 ug 10 ka assists si Kyle Lowry sa dihang gitangtangan og tango sa Toronto Raptors ang Minnesota Timberwolves, 112-105.
Ang kadaugan nga nakapasaka sa ilang standing 5-0 mao usab ang pinakamaayo pagsugod sa season sa kasaysaysayan sa ilang prankisa.
Sa samang higayon, ang Toronto mirehistro na og 15 ka sunodsunod nga daog diha sa ilang home court batok sa Minnesota.
Katapusang napildi ang Raptors sa ilang korte batok sa Minnesota niadto pang Enero 21, 2004.
Si Jimmy Butler adunay 23 puntos nga giabagan usab osa 16 ni Derrick Rose ug 13 ni Taj Gibson alang sa Timberwolves kinsa midula nga wala ang na.