P1.8-M NGA SHABU NASAKMIT

Dul-an P1.8 milyunes ang nasakmit nga gidiling drugas sa City Drug Enforcement Unit (CDEU) sa Mandaue City Police Office (MCPO) sa duha ka managlahing buy-bust operations niadtong Huwebes ,pasado alas 7:00 sa gabii.

Upat ka mga tawo ang nasikop apan, dili taga Mandaue. Human sa mga subsob nga

anti-drug operation sa kapulisan sa Mandaue diin pipila na ang mga nasikop, ug ang uban nga naa sa ilang drug

watch list ang namatay human gipamusil sa wa gihapon mailhing mga mamumuno. Mga newly identified drug

player ang nagsugod na usab unta sa pagpamaligya sa ginadiling drugas sa Mandaue. Nihimo og buy-bust operation ang mga sakop sa CDEU sa MCPO sa duha ka managlahi, apan dungan nga gioperasyonan sa kapulisan diha lang duol sa usa ka unibersidad sa North Reclamation Area, Barangay Subangdaku.

Sa usa ka team sa CDEU, nasikop ang tulo ka mga tawo nga parehong taga Mandaue nga sila Jovit Deguitos, 36; Kimberly Pregoner, 22; parehong taga sitio Villagonzalo, Barangay Tejero sa dakbayan sa Sugbo. Laing nasikop mao si Brigido Ministerio, 27, taga Barangay Ermita.

Sila ang nasakmitan og tulo ka dagkong pakete sa gidudahang shabu nga adunay gibanabana nga 100 gramos ang gibug-aton ug base sa Dangerous Drug Board (DDB) value, kini dul-an sa P1.2 milyunes.

Sa laing operasyon, nasikop si Julius Lepiten, 34, taga Larangay Libertad, siydudad sa Bogo, kinsa nakuhaan og 50 gramos nga shabu, nga mokantidad og 590 mil pesos.

Matud ni Police Chief Inspector Mercy Villaro, ang g mga dinakpan naila sa kapulisan pinaagi sa mga kanhi nasikop nga nitudlo kanila nag-supply sa drugas.

Giandam na ang mga kasong kalapasan sa section 5 sa R.A. 9165 kun pagpamaligya og dinagkong balor sa drugas nga ipasaka karong Lunes.

Samtang, pulis nga nakasibat sa buy-bust operation sa Police Regional Office 7 (PRO) 7 sa 2017 nasikop human nalutsag warrant of arrest nga giisyu ni Judge Anacleto Debalocus sa RTC Cebu City.

Ang pulis nga nag-absent without official leave (AWOL)

nga nalakip sa high value target sa Mambaling police station mao si PO1 Wilfred Cabillo, taga dan Bontores, Barangay Basak San Nicolas, siyudad sa Sugbo nag- atubang og kaso sa ilegal nga drugas.

Siya nakaikyas sa buy-bust

operation sa Regional Special Operations Group niadtong Septiyembre 2017.

Si PO1 Cabillo nasikop sa ilang pinuy-anan sa Basak San Nicolas niadtong Huwebes sa hapon, Oktubre 25.