DARYL NAPIL SA ISYU NI DARREN UG JK
Damay karon ang singer nga si Daryl Ong sa word war nilang Darren Espanto ug JK Labajo nga parehong produkto sa The Voice Kids niadtong 2014.
Kini human nag-comment ang 31-anyos nga si Daryl nga di kuno siya mag-usik-usik sa iyang panahon nga makigtinubagay kon siya ang tawgon nga bading labi na kon di man sad tinuod.
“At kung nagkataon mang totoo, eh ano naman? Ano ngayon? Bat mo naman itatago? Pag bakla ka ba criminal ka? Does it make you less of a person? Less of an artist?” matod pa ni Daryl sa iyang Facebook post.
Si Daryl nidugang nga di niya ma-gets nga 2018 na apan duna pa gihapo’y mga public figure nga nagpakaaron ingnon nga lalaki. Unya kon ma-isyu, “papalag-palag.”
“Ano ba binebenta mo? Talent mo o kasarian mo? Bat kelangan pa kase magpanggap. Bat di nalang
magpaka-totoo,” dugang pa ni Daryl nga finalist sad niadtong 2014 sa The Voice of the Phils. Season 2.
Apan daghan ang nangasuko ning iyang mga komento kay klaro kuno nga dunay kalambigitan sa isyu ni Darren ug JK ang iyang mga post.
Birada pa sa mga netizen nga maora’g iyang gipagawas nga bading si Darren ug dapat lang nga moladlad na.
Birada usab sa laing netizen: “If it is your way para pabagsakin si Darren well di ka magtatagumpay. Tinuring ka pa naman nyang kuya pero paka plastic mo pala. Ang tanda mo na nakikisawsaw ka pa sa issue ng iba.”
Apan depensa ni Daryl nga wala siya’y dautang gipasabot sa iyang mga post. “It was just an open thought. No hate here. Ang point ko is pagiging totoo sa sarili NO MATTER WHAT. Yun lang. Wala akong inaakusahan. I just shared my perspective.” /