Agnes ug Gwen
Agnes Magpale unang nangalagad isip board member, acting governor ug bise gobernador. Sa pagtapos ni Gwen sa iyang termino pagkagobernador nagbilin sa kapitolyo og 791M pesos salapi sa bangko, 351.069M general fund, 118.997M special education fund, 321.4M trust fund ug 28.1B assets.
Walay utang sa bangko gawas sa bayranan sa mga supplier ug kontraktor nga naghatod sa mga proyekto ug serbisyo.
Nahimong number one premier province ang Sugbo sumala sa National Competitiveness Council of the Philippines. Apan unsang pagkaunsaa nga sa pipila ka tuig nga pangalagad nila ni Magpale ug Gov. Junjun Davide natagak sa ika-45.
Kutob lang sa plano walay napabarog nga proyekto. Mga serbisyo polos sinundog sa gisugdan ni Gwen sama sa mga programa alang sa mga mag-uuma ug mananagat, pag-apod-apod og multicabs, Suroy-suroy Sugbo ug gasa kang lolo ug lola. Panahon ni Gwen nakatagamtam ang Sugbo og sementadong kadalanan, panubig, koryenye, edukasyon, panglawas, kalikopan, pagpalambo sa kultura, pagpreserbar sa kabilin, sinulog sa mga lungsod ug siyudad, gihikutar ang kayutaan sa probinsya nga nia sa siyudad ug walay puas nga pagpadangat sa mga batakang panginahanglan.
Nakatimaan si Gwen og 14 ka sisterhood agreements sa kanasoran. Landmark o bantayog ang CICC nga gipasipad-an og baligya nila ni Magpale ug Davide ngadto sa Mandaue.
Mideklarar si Gwen og gubat batok drugas, rebelde ug ilegal nga sugal, negosyo, panagat bahalag kinsay maligsan ug kalyo nga matumban.
Gipaguba ang illegal structures sa Kawasan Falls sa Badian aron himoong municipal park ug protected area. Gipabungkag ang ilegal nga negosyo sa Malapascua Island sa Daanbantayan.
Gitukod ang Anti-Illegal Fishing Task Force ug Team Eskina nga manakop sa pinabuthang isda, illegal quarry ug overloading. Istriktong gipatuman sa CPDRC ang no smoking, no special favor, pagsakmit sa mga kontrabando, ban sa kwarta ug sugal, gisulbad ang kahuot, pagpadali sa natanggong nga kaso, gihatagan og livelihood, gitudloan og sayaw silbing rehabilitasyon diin maoy produkto ang Cebu’s Dancing Inmates.
Ipadayon ni Gwen ang iyang mga malungtarong plano pagpalambo sa 80 ektaryang luna sa kampo sa Lahug, pagpadayon sa kasabotan sa 32 ka mga homeowners ubos sa ordinance 93-1, La Ciudad project sa Banilad, public-private joint ventures sa Filinvest alang sa business process outsourcing sa Lahug, Balili export processing zone, wasteto-energy projects, pag-ugmad sa bulto nga tinubdan sa tubig, pagpalambo sa tugpahanan sa San Francisco, Camotes ug Sante Fe, Bantayan Island.