Nabuhing pagbati

Dear Noy Kulas,

Maayong adlaw. Ang akong problema mahitungod sa akong ex-boyfriend.

Nagkauyab mi adtong 1989, pero naputol ang among communication mao nga nagkabuwag mi unofficially. Akong nahibaw-an nga nang-migrate sila. He tried to contact me pero failed siya. Kay taga Mindanao ni sila, Noy. Naminyo ko adtong 1995 while siya naminyo sa abroad.

Pinaagi sa Facebook, nag communicate mi sa 2009 hangtod karon. Last year, nagbuwag sila sa iyang asawa kay iyang nasakpan nga dunay laing babaye. Nagplano siya nga mo-file og divorce.

Ako sa akong bahin, di kaayo mi suod sa akong husband kay sukad pa kaniadto, nag-base na siya sa abroad ug nagkadugay, tagsa ra among communication. Believe it or not, every two years ra mi magkita ug tag usa or two months ra siya diri. Naay mga estorya nga duna siyay laing family sa abroad apan ni deny siya ini.

Noy, nagkagrabe na ang among feeling sa akong ex. I mean nabalik ang among closeness kaniadto. Mingawon na mi each other. Unsa may akong buhaton? Gusto niya moapas ko niya kon ma approve na ang iyang divorce puhon.

MINMIN

Min,

Kadaghan na bang mga pagbati nga nangabanhaw tungod sa Facebook. Daghan na sab nga mga pamilya ang nabungkag. Kon imong paundayunan ang imong gibati karon, hayan mabungkag ni.

Kon ang imong bana nagsige og balik sa abroad ug wa ka ganahi niining iyang gibuhat, nganong wa man mo mag-estorya? Pananglitan, kon financial ang rason sama sa uban, mahimo man nga mag set mo og goal when siya moundang. Sama sa uban nakong mga kaila nga nagsabot sila sa iyang partners. Nag-set sila goal sa balay, savings ug negusyo. Pinaagi niini, di eternity ang abroad. Gibuhat ba ninyo ni?

Kon duna siyay problema sa iyang pamilya, ayaw pagmugna og imoha. I-resolve ninyo sa imong bana kon unsa may inyong issue. Ayaw pagmugna og laing problema. Kon ang imong bana di makaako sa paghunong sa iyang pagsige og abroad bisan sa inyong goals nga na set, kana magduda ka na nga tinuod naa siyay laing pamilya. Pahunata siya.

NOY KULAS