NUGGETS GISUGPO NI JAMES, LAKERS
Four-time MVP mirehistro og triple-double
Nagpakatap og triple-double si LeBron James aron agakon ang hosts Los Angeles Lakers sa laing kadaugan, ning higayuna batok kanhi wala’y pildeng Denver Nuggets, 121-114, kagahapon sa National Basketball Association (NBA) sa Staples Center.
Ang Lakers, nga ningmakmak sa hosts Phoenix Suns, 131-113, sa miagi nilang duwa, ningsaka na karon sa 2-3 nga rekord samtang ilang gibira paubos ang Nuggets ngadto sa 4-1 nga baraha.
Ang four-time MVP nga si James, kinsa mirehistro sa labing una niyang daog sa Staples Center isip usa ka Laker, mirehistro og 28 puntos, 11
rebounds ug 11 sab ka assists. Mao kini ang ika-74 nga triple-double ni James.
Ang kanhi lider sa Lakers nga si Kobe Bryant nagtan-aw sa courtside seat ug tatawng malipayon kini sa bag-ong direksyon sa Lakers ubos sa pagpangulo sa iyang kanhi karibal nga si James.
Adunay higayon nga nagkasulti sila si James ug Bryant, kinsa miretiro human sa 20 niya ka mga tuig nga pagduwa sa Lakers.
“Of course I noticed him sitting right on the baseline over there,” matod ni James.
“One of the all-time Laker greats. What he’s done for this franchise in his 20-plus years here speaks wonders for me. To be able to compete against him all those years, and for me to be able to share a jersey, the same jersey as him at this point, is pretty special.”
Nidugang og 22 puntos si Kyle Kuzma samtang niamot og 21 puntos si JaVale McGee alang sa Lakers.
Ang Lakers naggukod og walo ka mga puntos sa katapusang kapin sa unom ka mga minutos una gidugkatan ni Lance Stephenson ang 15-2 nga iyang rally duha sa Lakers ka sunodsunod pinaagi sa nga three-point shots.
Ang maong rally igo na aron angkunon sa Lakers ang kadaugan.
“The first couple of games, when we fell behind, we stayed behind,” pasabot ni James.
“Tonight when we fell behind, we learned from our mistakes, and that’s one of the most important things in life.”
Ang Nuggets wala na nahibulong sa gipakitang duwa ni James.
“LeBron is doing what he always does,” asoy ni Denver coach Michael Malone. “And LeBron is bringing all those guys their confidence way up. You’re seeing Kyle Kuzma and LeBron, their chemistry growing.”
Ang Nuggets gipangulohan ni Nikola Jokic pinaagi sa iyang 24 puntos, nitampo og 22 puntos si Jamal Murray samtang nihatag og 20 puntos si Monte Morris.
“We just came out on the short end today, but we’ve got a couple of days off to revamp
ourselves,” asoy ni Morris. Sa laing mga duwa, gipangbuntog sa Detriot Pistons ang Cleveland Cavaliers, 110-013, gipangmakmak sa Portland TrailBlazers ang Orlando Magic, 128-114, samtang gipayukbo sa Boston Celtics ang Oklahoma City Thunder, 101-95.