'PAMILYA ROCES' MALL SHOWS GIDUMONG SA KAPUSONG CEBUANO
Mapasalamaton ang mga bituon sa ‘Pamilyang Roces’ tungod sa mainitong pagdawat sa ilang bag-ong serye sa GMA Telebabad block. Kini ang gipadayag sa mga lead
cast sa naasoyng serye nga sila si Carla Abellana, nidala sa papel ni Crystal Rose Roces-Javellana ug Rocco Nacino midala sa papel ni Hugo Javellana, ug Sam Albert, half-sister ni Abellana sa samang serye.
Dihang nihimo og mall show sa Gaisano Grand South sa dakbayan sa Sugbo niadtong Biyernes sa a;as 5:00 sa hapon, Oktubre 26.
Kapin pa lang duha ka semana ang ‘Pamilya Roces’ nga gipasalisa sa telebisyon apan nikuha na kini og taas nga rating nga hapit na moapas sa ilang kaatbang sa samang oras sa pikas network ug nalipay sa pagdumog sa mga Kapuso nga Sugbuanon sa ilang mall shows.
Dugang sa show sa dakbayan sa Sugbo niadtong Biyernes, ang ubang cast sa ‘Pamilya Roces’ nihimo og show sa Gaisano Grand Mall Mactan. Ang mga Kapusong Opoganon gilingaw nila ni Gabbi Garcia, Shaira Diaz, Andre Paras, Manolo Pedrosa ug Jasmine Curtis.
Ang ‘Pamilya Roces’ nagsaysay sa komplikasyon sa relasyon ug panulundong bahandi sa lima ka mga managsuon nga managlahi og inahan sa amahan nga adunahan (Roi Vinzon), kinsa nanag-iya sa Roces Group of Companies.
Nisamot ang komplikasyon sa ilang kinabuhi dihang himatyon ang amahan. Puno sa drama ug leksiyon ang makuha sa matag hugna sa serye.