Business sector giawhag nga surrenderers dawaton

Giawhag karon sa mga nagdumala og recovery facilities sa Sugbo ang business sector nga unta dili hikawan kining mga recovering drug dependents nga gusto magbag-o ug manarbaho.

Matod ni Fe Barino, sa Surrender to God (SuGod) kinsa chairperson usab sa Commission on the Laity sa Archdiocese of Cebu nga dili unta hikawan kining mga gustong magbag-o apan tabangan sa mga employer nga makatrabaho.

Si Barino kinsa usa sa aduna’y libre nga community-based and recovery treatment programs alang sa mga gusto magbag-o batok drugas nihulagway nga aduna’y kahadlok ang mga recovering drug dependents hilabi na sa pagkuha og trabaho.

Nasayran nga usa sa matawag nga malampuson ang recovery sa usa ka drug dependent kining duha ka tuig na kini nga wala maggamitan ug aduna na’y trabaho ug responsable na usab sa komunidad.

Usa ang SuGod nga giduol sa Archdiocese of Cebu human nihangyo ang kapulisan sa dakbayan sa Sugbo nga hatagan og recovery program kining mga inmates nga eligible sa plea bargaining agreement aron sa dili pa kini makagawas, nagbag-o na kini.

Ang plea bargain usa kini ka kasabutan sa usa ka kaso sa tali sa defendant ug prosecutor nga mo-plead guilty ang defendant aron mas ubos ang silot nga madawat niini.

Nasayran usab nga mas nidaghan ang moapil karon sa recovery centers ug rehabilitation centers aron magbag-o sa kinabuhi.