Building sa CTU Babag campus gitukod

Posibleng mahuman na ang katukoran sa katapusang estruktura sa Cebu Technological University - Cebu City Mountain Satellite Campus (CTU-CCMSC) sa dili pa ang pagbukas sa unang semester sunod tuig.

Kini ang gibutyag ni Kongresista Rodrigo Abellanosa sa south district sanglit nakasugat og problema ang

construction gumikan sa kadaghan sa edepisyo.

Iyang gipadayag nga wala pa siya makahangyo ug paghimo as husto nga lakang sa Tourism Infrastructure and Enterprise Zone Authority (TIEZA) aron sila mahatagan og dugang espasyo para as katukoran sa University gym.

Gipadayag ni Abellanosa kinsa maoy author sa House Bill 6030 nga maoy nagmugna sa CTU-CCMSC gipangitaan nalang og pamaagi aron masulod ang gym sa kapin o kulang usa ka ektarya nga yuta sa sityo Mawmawan sa barangay Babag nga iyang gihulagway nga naghuot na ang estruktura.

Ang HB 6030 anaa na sa lamesa ni Presidente Rodrigo Duterte kansang pirma gihuwat aron mahingpit na kini nga usa ka institusyon diin mahatagan na unya kini og tinuig nga budget gikan sa General Appropriations Act (GAA).

Si Abellanosa nagkanayon nga ang CTU-CCMSC adunay kapin o kulang P200 milyones nga pundo para sa katukoran diin gipaabot nga makaatiman kini sa 1,000 ka mga tinunan sulod sa 20 ka classrooms para sa mga gustong mo-eskwela sa south district.

“Finally, for the first time in the city’s history, the mountain folks of Cebu City will have better access to free college education,” padayag ni Abellanosa. Gitug-an ni Anjie Bahay, ang CTU CCMSC registrar nga adunay 129 ka mga tinun-an ang kasamtangang nitungha sa maong eskwelahan nga gibhin sa tulo ka kurso, Bachelor of Elementary Education, Bachelor of Industrial Technology ug Bachelor ug Bachelor of Science in Agriculture, diin pulos gikinahanglan sa paglambo sa pag-ugmad sa umaahan.