Resource speaker na si Sabrina M.
Manila – Wa masayop ang hukmanan sa pagpagawas sa kanhi sexy star Sabrina M. kinsa nabilanggo sud sa duha ka tuig gumikan sa kasong illegal drugs.
Naka-ingon ko nga wa masayop tungod kay nahimo kining yawe nga nagbag-o sa iyang kinabuhi si Sabrina kinsa nagsilbi na siya karon nga resource speaker.
Gani niadto lang Oktubre 27, (Sabado) speaker si Sabrina sa usa ka bilanggoan sa Bulacan og iyang gisaysay kon unsa kalisod ang kinabuhi sa usa ka piniriso.
Iyang giawhag ang inmates ilabi na niadtong wa gihapon mohunong sa ilang dautang bisyo iyang panghinaot nga undangon na kini kay wa kiniy ikahatag nga kaayuhan sa ilang panglawas ug kinabuhi.
Never na jud kunong balikan ni Sabrina ang maong bisyo ug kanunay siya nga nakig-bonding ngadto sa iyang mga anak.
Makita sab ang tumang kalipay sa mga anak ni Sabrina.
Ang wish lang ni Sabrina nga unta makabalik siya sa showbiz tungod kay gimingaw na yud kuno siya og acting.
Grabe ang clamor karon sa online friends sa original nga Kuya Escort nga si Greg Hawkins nga unta pabalikin na kini sa “It’s Showtime” tungod kay kompleto na kini sa working permit.
Ambot oi morag wa na silay plano nga pabalikon kini pero para nako mas okey na tungod kay sa iyang pagkawala sa It’s Showtime daghang projects og product endorsement ang gi-offer ngadto niya.
Niadtong Oktubre 25, Huwe- bes adunay show si Greg sa Music Box and then last October 27 nag show ug host siya sa usa ka event sa PLDT sa Mandaluyong.
Pagkahapon nibayahe si Greg paingon sa Davao with Ynez Veneracion for a show og sa kasamtangan padung kami sa Tanauan,Batangas kauban ko ang manager ni Greg nga si Lito De Guzman para sa opening sa Urban Clothing samtang si Greg gisugat sa mga taga Urban Clothing sa airport.
Hinaot Lang nga dili ma delay ang flight ni Greg para makabalik kami sa Manila before mag 6:00 pm diin usa ako sa awardee sa World Class Excellence Award sa Heritage Hotel as Best showbiz Writer and Blogger, o di ba?
Gidala ko kanunay nga media entity, SunStar Superbalita kaya mangayo ko og ID Madam Flor.