Mga kausaban sa Ms. Lapu-Lapu 2018
Masaksihan ang mga kabag-ohan sa tinuig nga Miss Lapu-Lapu human nga ang Fiesta Committee chairman, Councilor Harry Radaza mitudlo ni Atty. Ethelbert Ouano nga bag-ong project director sa maong pageant.
Karong tuiga masaksihan ang bag-ong branding logo sa Miss Lapu-Lapu diin ang hulma sa ulo sa babaye nga adunay 30 colored leaf nga nagsimbolo sa 30 ka mga barangay sa Lapu-Lapu gamit ang branding color sa siyudad.
Bag-o na sab ang korona sanglit gipahimo nga susama og porma sa tulay.
“Miss Lapu-Lapu 2018 logo design reflects the pageant’s tagline: Beautiful, Colorful,” tipik sa pamahayag ni Ouano atol sa gipahigayon nga press presentation niadtong Oktubre 26, sa Marina Sea View Restaurant, Ibo, Lapu-Lapu.
Gipa ila-ila ang 15 ka mga official candidate sa Ms. Lapu-Lapu diin sagad nila mga lumad nga residente o adunay kabanay nga taga-Lapu-Lapu. Ang mga kandidata naglangkob nila ni: Kristine Jane Cartuciano, 19; Dianne Clouie Degollacion, 21; Trexie Ann Bate, 18; Claudine Malolot, 21; Mary Jholeen Panugalinog, 18; Sheerah Abigail Ybañez, 18; Lyre Lyka Panis, 20; Jennifer Galdiano Ebner, 19; Cyvelshen Khesley Ba- batid, 20; Mercy Danica Barluado, 22; Kristy Anne Degamo, 20; Maria Ysabel Cabido, 19; Chloe Boone, 18; Jonalaine Barcenas, 20; ug Shaznay Corres, 19.
Ang Ms. Lapu-Lapu usa sa magsilbing highlights sa kapistahan sa Birhen de Regla, samtang coronation night ipahigayon sa Nobiyembre 20, sa Hoops Dome.