Laing luna gisusi sa kagamhanan sa Mandaue City

Kagamhanan sa dakbayan sa Mandaue nipasusi ug ni-review sa tanang Cityowned property, lakip na ang mga gipaabangan human nga padayong nagpangita ang siyudad alang na sa katukuran unta sa mga housing projects, relocation site ug uban pa.

Samtang usa sa mga gipaabangan kaniadto ang nakitang nagpaabang usab nga way pagtugot sa City Council.

Sa gihimong pagpadayon nga pagsusi sa mga properties sa Mandaue City government, laing luna nga iya sa siyudad nga gipaabangan ang nakita nga kwestiyonable.

Human nga gipaabangan kini niadtong tuig 2007 ngadto sa usa ka Katumanan Hardware, ang maong pagpaabang pinasubay sa paghatag og pagtugot sa konseho.

Apan nasuta na lang nga ang Katumanan ang nagpaabang usab ngadto sa CENORE Corporation ug ang CENORE ang nagpaabang ngadto sa usa ka dakong hotel, nga parehong way pagtugot sa konseho.

Ang luna nga adunay gidakon nga 14.4 ektarya nahimutang sa may North Reclamation Area sa dakbayan sa Mandaue.

Gipasabot ni Mandaue City Vice Mayor Carlo Fortuna nga ilegal ang gibuhat hinungdan nga gipasusi nila kini karon sa City Legal Office.

“There was this existing contract of the City over our property, in North Reclamation. The original tenant is the Katumanan hardware, apparently he assigned his lease rights to a corporation, that assignment did not have the approval of the City council, what they only have was a signed document by the former Mayor Jonas Cortes, confirming to the assignment. This form of approval very irregular,” pahibawo ni Fortuna sa mga sakop sa media.

Hinuon ang kontrata sa City government ngadto sa Katumanan Hardware ang hingpit ng giputol niadtong Mayo 30 ning tuiga.

Apan gipadayon ang gihimong pakisusi kon unsay legal nga action ug si kinsa ang posibleng mag-atubang og kaso.

Una sila mosud og laing kasabutan sa maong luna nga gipaabangan.

Tungod sa panghitabo, kasamtangang’ probationary business permit ang gihatag sa City government ngadto sa hotel, hangtud nga makasud og laing kasabutan ang siyudad.

Dugang ni Fortuna nga usa kini sa ilang nakita nga mga kahiwian diha sa paggamit sa property sa siyudad sa nangaging administrasyon, nga ila karon padayong gikorihian ug pagpahinumdom kini sa konseho ug sa kasamtangang mayor o sa umaabot alang sa mga himuong kasabutan may labot ang property sa kagamhanan.