IPAAYO ANG CCTV CAMERAS: JOEL

Gisaway ni Konsehal Joel Garganera ang planong pagpalit ni Mayor Tomas Osmeña og dash camera alang sa 1,000 ka mga public utility jeepney (PUJ) kansang P5 milyones nga gipangayong

pundo sa bag-ohay lang giaprobahan sa konseho.

Si Garganera nagkanayon nga ang Cebu City Government adunay 153 ka closed circuit television (CCTV) camera nga nahimutang sa mga

strategic nga lugar sa siyudad nga makakuha og mga video pananglitan adunay mga krimen nga mahitabo.

Apan base sa pagsusi sa Department of General Services (DGS), 77 nalang niini ang ak- tibo, adunay 53 nga wa na mogana, adunay tulo nga di na magamit ug 20 ang karaan na.

Gipadayag sa konsehal nga inay mopalit og bag-ong kahimanan ang siyudad, labing maayo nga mogahin og pundo si Osmeña aron ipaayo sa naguba nga CCTV o mopalit og dugang CCTV aron ipuli sa gubaon.

“Kon mao nang estoryaha nga butangan og dash cam ang PUJ, di layo ang iyang mga plano nga ang tanang mga tawo butangan og body cam. Unaha sa ang repair kay these are very vital di lang tungod sa krimen kon dili gamit sad ni sa mga aksidente sa sakyanan, “saysay ni Garganera.

Sa tinamban nga kwentada ni Garganera, ang matag dash cam nagkantidad og P5,000 alang sa usa ka PUJ nga iyang gihulagway nga ‘overpriced’ ang presyo sanglit makapalit na og sa ma sa iyang dash cam o ubos pa.

“Naay dash cam ang akong sakyanan apan P3,500 raman gani unya nindot pa kaayo og

specification, nganong P5,000 mani ang iyaha?”dugang sa konsehal sa north district.