P100.3-M medical assistance

Mokabat sa P100.3 milyones nga assistance ang madawat sa kagamhanan sa lalawigan sa Sugbo gikan sa Department of Health (DOH) pinaagi sa Health Facility Enhancement Program (HFEP).

Ang assistance ipagawas sa duha ka bahin pinaagi sa managlahi nga memorandum

of agreements nga pirmahan nila ni Gobernador Hilario Davide III, Provincial Health Officer Rene Catan ug DOH 7 Director Jaime Bernadas.

Sa regular session sa Sangguniang Panlalawigan sa Sugbo niadtong Lunes, Oktubre 22, giaprobahan ang resolusyon nga gipangamahan ni Bokal Christopher Baricuatro nga magtugot sa gobernador nga mopirma og kasabotan tali sa DOH alang sa P75.3 milyones nga ayuda alang sa pagpalambo sa mga kahimanan sa lainlaing mga pacilidad sa panglawas sa mga local government

unit pinaagi sa HFEP. Laing resolusyon ni Baricuatro

nga gipalabang usab sa maong session, naghatag og pagtugot kang Davide nga mosud usab og kasabotan tali sa DOH alang sa laing P26.005 milyones nga assistance alang sa pagpalit og nagkadaiyang

medical equipment alang sa

provincial ug district hospitals sa lalawigan sa Sugbo.

Ang P26.005 milyones ang nalakip sa General Appropriations Act (GAA) sa 2017.

Ang mga tambalanan nga mahimong benepisyaryo niining programaha napili pinaagi sa konsultasyon sa 16 ka provincial ug districts hospitals.

Ang P75 milyones nga ayuda alang sa mga tambalanan sa 12 ka mga LGU: mga siyudad sa Carcar, Danao ug Bogo ug mga lungsod sa Balamban, Badian, Argao, Oslob, Bantayan, San Francisco, Malabuyoc, Tuburan ug Barili.

Sa P26.005 milyones, napili sa DOH ang upat ka provincial hospitals - Danao, Carcar, Bogo, Balamban, Oslob, Badian ug Argao.

/ ALEX BADAYOS ■ LIKI SA BUKID: Usa ka tinun-an sa Buhisan Elementary School nitudlo sa dakong liki sa bukid sa Sitio Sandayong, Barangay Buhisan, dakbayan sa Sugbo. Gisusi na kini karon sa Mines Geoscience Bureau (MGB).