Patas nga kampanya

Sa niaging pinili-ay, naobserbahan nga bisan og layo pa ang campaign period, daghan na kaayong namintaha og sayo nga nagsugod gilayon sa ilang pagpangumpanya ilabi na kadtong mga tubodburan o mga kuwartahan nga mga kandidato. Kini tungod sa Republic Act 9369 nga nagtumbok niadtong gustong magpapili alang sa elective position, nga mahimo lang sila nga of icial candidate sa higayon nga magsugod na ang campaign period.

Sa ato pa, bisan tuod og naka-file na siya sa iyang Certificate of Candidacy (COC) dili pa gihapon siya matawag nga official candidate ug tungod niini, dili siya masilutan bisan og magsugod na siya sa pagpangampanya.

Sa laktod nga pagkasulti, ang maong balaod nagpatay sa premature campaigning sa mga kandidato, nga sa ato nang gikaingon, naghatag og dili makiangayong pabor sa mga kuwartahan batok niadtong mga kabos nga mga kandidato.

Nagwagtang usab kini sa transparency ug accountability sa mga magpapili kon hisgutan usab ang mga galastohan.

Pero niadtong Octobre 18, dunay balaodnon sa senado nga kon maaprobahan, magwagtang na unya niining dili makiangayon nga lagda.

Kini maoy magpahimutang og balik sa pagpasunod sa Omnibus Election Code sa nasod kaniadto nga nagdili sa mga kandidato sa pagpangampanya sa dili pa ang election period.

Ang dili mopatuo, aw mapahamtangan gyud og silut kon mapamatud-an nga sad-an.

Gawas nga mabilanggo ug labing minus usa ka tuig apan dili molapas sa unom, i-disqulalify pa gyud ang iyang kandidatora ug did-an na siya nga makahupot og katungdanan sa gobiyerno.

Sila si Senadora Leila de Lima, Richard Gordon ug Aquilino Pimentel III maoy nangamahan ning maong balaodnon ug hinaot makakuha kini’g igong suporta.