Mga tuo-tuo ug ang kalag-kalag
Nasayud ba mo nga ang Halloween nagsugod sa nasud nga Ireland mga 2000 na katuig ang nakalabay?
Samtang daghan ang nagtuo nga mao ni panahon nga manggawas ang mga dautang espiritu ug ang mga nagkondinar nga kalag, apan ang bibliya niingon nga di na sila makakontak pa sa mga buhi.
“The Bible clearly teaches that the dead are conscious of nothing at all. Thus they cannot contact the living” (Ecclesiastes 9.5).
Ug dili bonggang selebrasyon kundi ang pag-ampo ngadto sa atong mga minahal sa kinabuhi nga nitaliwan na sa laing kalibutan ang gikinahanglan sa mga kalag.
Mahimong dunay mga kalag nga naglatagaw karon sa atong kalibutan apan kutob na lang sila sa paglutawlutaw sa kawanangan.
Ug kitang mga buhi kutob na lang sad sa pag-ampo sa malinawon nilang pagpanaw, sama sa akong buotang iyaan nga si Carlita Lisondra Ciar nga ihatod na sa iyang katapusang kapahulayan karong buntag (Oct. 30) sa sam-ang sa Manila Memorial Park sa Liloan.
Ayo-ayo na lang Tiya. Kanunay kang naa sa among kasingkasing ug pag-ampo. Rest in peace.
MARK NEUMANN
Ug karong panahon sa Trick or Treat, ang kapamilya star nga si Mark Neumann ang makig-uban ninyo ugma, Oct 31, 7 p.m. atol sa launching sa A Million thanks raffle promo sa Gaisano Country Mall ug sa ilang mga sangang tindahan nga Gaisano Main, Balamban, Moalboal ug Bogo.
Ang mall show himuon sa parking area sa Country Mall. Nagsugod sad karong adlawa ang ilang 4-day Halloween sale, diin 3 ka brand new Mazda3 Skyactiv ang ilang grand prize.
PAMILYA ROCES
Sa presscon sa GMA primetime nga “Pamilya Roces” niadtong Biyernes sa Sugbo, nalingaw ko sa reaksyon ni Sophie Albert.
Nasayup man gud ko kay imbes Vin Abrenica, EA Guzman man hinuon ang akong nalitok.
Si Sophie dali kaayong nakapasa kang Shaira Diaz nga mao kunoy dapat pangutan-on.
Uyab diay ni Shaira si EA Guzman apan maorag gi-deny lang nila aron di makaapekto sa ilang career.
Ang laing cast sa Pamilya Roces nga na-link sad karon og Kapamilya star si Gabbi Garcia, who is exclusively dating with Khalil Ramos.
Si Sophie, kinsa open na karon sa iyang relasyon kang Abrenica, nitug-an nga kinahanglan siyang motrabaho tungod sa iyang papa nga 17 katuig nang comatose.