Nakaplagan unta

Dear Noy Kulas,

Tawga lang kog Chick Mom, 42 years old na pero sexy gihapon. Single mother ko kay nimabdos ko mga 19 years old pa. I learned from my past mistakes mao nga until now, I prefer mag single lang.

Naa koy mga past boyfriend ug puro gusto makigminyo, apan ako ang dili ganahan kay mahadlok na ko nga mosalig og lalake. Until niabot sa akong life si Daniel. Ako siyang nakaila sa usa ka party. Gwapo, nindot og barog ug naay negusyo. Ang nakaapan, minyo siya,Noy, but ang iyang asawa sa abroad na nag base. Mag-ulian siya diri sa Pilipinas ug mo stay og few months diri. Nagkauyab mi kay ako ang nag-una una kay ganahan kaayo ko niya. Sa tinuod lang, ganahan kaayo siya nako ug nisaad nga mo file siya og divorce sa iyang asawa kay sa abroad sila nakasal.

Buotan ug pinangga kaayo ko niya. I know honest kaayo siya kay ang tanan nakong gusto iyang gibuhat. Noy, siya na ang akong gipangitang lalake sa tibuok kinabuhi. Okay ra kaha nga magminyo mi bisan kasado siya sa gawas? Pwede ba diay magminyo mi human siya maka divorce sa iyang asawa? Please tambagi ko.

CHICK MOM Chick Mom,

Bisan unsaon pa pagtan-aw, nangilog ra gyud ka og bana sa laing babaye. Bisan pag moingon ka nga niabot na ang lalake nga imong gipangita ug gustong minyoan ug ganahan nga ikauban sa tibuok kinabuhi, ning bahina sa imong kinabuhi, di kamo ang gitakda sa usag usa.

Wa silay problema sa ilang kaminyuon hangtod nga niabot ka sa ilang kinabuhi. W aka tingali makahibawo ug maka experience s aka sakit kon ikaw ang mahitaboan kay you were into multiple relationships nga way klarong commitment tungod kay mahadlok kang makigminyo hangtod nga imong na-meet si Daniel. Sakit baya kon ikaw ang mahitaboan, kon ikaw ang naa sa dapit sa iyang asawa.

Buhii siya. Kon naka discover ka nga naa diay lalake nga mahimo kang dunay commitment, look for another one nga di na committed. One thing nga angay mong mahibaw-an, sa relasyon nga nagsugod og ingon niana, kasagaran di molungtad tungod kay insecure mo pulos. Kana maoy timan-i kanunay.