MICROWAVE GIHIMO NGA BAG
Gidid-an sa tunghaan nga madala ang bag alang sa kahimso ug kaluwasan hinungdan nga ang tinun-an adunay daghang mga mugna unsaon nila sa pagdala ilang mga libro.
Si Jacob Ford, 17, wa mauyon sa palisiya sa Spalding Grammar School human unom ka mga tinun-an gimandoan nga di makadala sa ilang bag atol sa klase.
Matod sa taho sa Metro News nga ang tunghaan nitumbok nga naangol ang mga tinun-an kay dagko ra kaayo ang ilang bag nga gikarag sa ilang abaga.
Gidid-an usab sila nga makadala sa ilang mga libron pinaagi sa ilang kamot kon magklase na sila.
Naghimog “silent protest” si Ford gamit ang basket ug
microvate aron ipakita iyang pagsupak human ang petisyon ilang gisugdan.
Naghuwat usab siya og 3,000 ka pulong nga essay diin naghisgot siya nga pwede ra man unta kini nga masabot.
Apan gisuspenso siya sud sa duha ka adlaw kay wa niya gihatag iyang mobile phone nga maoy iyang gigamit sa pagtawag sa iyang inahan nga si Tracy diin manawag alang sa iyang tambal.
Matod ni Tracy nga si Ford nagpahigayon og malinawon nga protesta ug gituohan angayan lang siyang motingog kay aduna man siyay kagawasan sa pag-estorya.
Gipasigarbo niya ang gihimo sa iyang anak bisan pa man migamit o wa migamit kini og microwave.
Pipila ka adlaw human gipugos sa pagpatuman ang balaod adunay petisyon nga nagsugod sa online.
Si Hannah Catterall, kinsa maoy misugod sa petisyon, namahayag nga ang pagdili sa mga backpack sa mga tinun-an di na sila makausab sa materyales nga gikinahanglan sa ilang pagtuon gikan sa balay ngadto sa tunghaan nga moresulta kini nga maapektuhan ang ilang grado.
Giwagtang ang petisyon pipila ka adlaw human nakaangkon kinig 463 ka mga pirma.
Si Bridgett Allan, kinsa may duha ka mga anak sa tunghaan, pwerting sukoan human niya nadungog ning klase sa pamalaod ug gihulagway niya kini nga kataw-anan.
Ang website sa tunghaan naglatid sa uniform policy alang sa mga lalake ug babaye nga tinunan apan wa maghisgot sa bag. Si Steven Wilkinson, head teacher sa tunghaan, mihatag og pamahayag sa mantalaang Spalding Today nga wa mapresentar ang tanang habig ning sitwasyon kay adunay mga tinun-an nga nigrabe ang ilang mga batasan nga wa niya nakita kaniadto ug gidisiplinahan sa tunghaan.
Apan, nasagmuyo si Wilkinson nga imbis makig-alayon kanila ang mga ginikanan ang mga hingtungdan nga mga ginikanan gidasig na hinuon nila kini ug daw sa giabibahan panila ang batasan sa ilang mga anak. /