LAING NBA RECORD NABUAK NI CURRY
Mikulit na usab og laing NBA record si Stephen Curry sa pagpahagsa og pito ka
three-point shots sa iyang 35 puntos sa kadaugan sa Golden State Warriors batok sa Brooklyn Nets, 120114, kagahapon.
Midugang og 34 si Kevin Durant alangsa Warriors kinsa anaa na unta sa yano nilang kadaugan sa wala pa makasikit ang Nets human usab mipabuto og sunodsunod nga tres.
Ang katapusang tres ni Curry sa nahabiling 1:07 maoy nakapabingat og balik sa ilang labaw, 115-108. Ang three-point
specialist nag-average og lima ka triples sa pito ka sunodsunod nga duwa ug niini iyang nabuak ang rekord ni George McCloud niadtong 1995-96 season nga nakahimo niini sulod sa unom ka nagkutay nga duwa.
Apan ang laing triggerman sa Warriors nga si Klay Thompson padayon nga nanglimbasog sa three-point area diin kagahapon sa lima niya ka itsa usa lang ang napasulod ug ning bag-ong season, lima sa 36 ka itsa niya sa three-point
arc lang ang nasulod. Kagahapon siya mitapos og 18 puntos ug wa pa gyud ma- ka-score og kapin sa 20 puntos sukad pagsugod sa season.
Nangulo sa Nets si D’Angelo Russel nga may 25 ug Caris Levert nga nakapugnit og 23.
Kadto maoy ikaupat nga sunodsunod nga dako sa Golden State human sa ilang bugtong kapildihan sa mga kamot sa Denver Nuggets.
Samtang sa laing duwa, nalangkat na gyud sa Oklahoma City Thunder ang ilang unang daog.
Sila si Paul George ug Russell Westbrook mirehistro og tag 23 puntos matag usa, ug ang Oklahoma yanong mipasawop sa Phoenix Suns, 117-110.
Niini, ang Cleveland Cavaliers mao na lang ang bugtong team nga wala pa gyud makaangkon og daog sulod sa unom ka duwa.
Ang Utah Jazz, sa ilang bahin, misandig sa double-doubles ni Rudy Robert aron lupigon ang Dallas Mavericks, 113-104,
Si Gobert midibuho og 23 puntos ug 16 ka rebounds samtang midugang og 20 si Donovan Mitchell. Nangulo sa Dallas si Dennis Smith Jr. nga may 27 puntos.