2 ka langyaw gidakop; 2 ka menor de edad naluwas sa DSWD

Duha ka langyaw uban sa Filipina nga kauban ang gidakop niadtong Lunes, Oktubre 29, sa buntag human nga iligal nga nagpiyo uban sa duha ka mga menor de edad nga kaluha sa Barangay Sta. Lucia, Asturias, Cebu.

Ang kapulisan niila sa mga langyaw nga sila si John Herman Carder Jr., 76, Jim Dean Syfert, 52, puro Amerikano, ug Frailline Mae Sagabala, 19.

Ang naluwas nga kaluha nag-edad og 14 anyos nga batang babaye ug gidala sa Municipal Social Welfare and Development Office (MSWDO).

Ang mga bata ningtug-an nga ang mga langyaw ningtanyag niadtong Oktubre 26 og duha ka cellphones, P500 nga gipalit og sinina, full scholarship grants ug pagpakutay oj elektrisidad sa ilang balay kon mosugot nga motrabaho isip katabang sa ilang panimalay.

Usa ka mabuot nga lungsoranon ang nitaho sa kapulisan bahin sa duha ka mga bata nga nagpuyo uban sa mga langyaw.

Hinungdan nga gihimo ang rescue operation sa Asturias police, MSWDO ug mga opisyal sa Barangay Sta. Lucia.

Ang grupo giubanan sa tagiya sa balay nga giabangan sa mga langyaw, nisulod sa balay ug naklita ang duha ka mga bata nga nag-panty ang nga nag-atubang sa mga langyaw.

Ang mga menor de edad nakita nga niinom og bino.

Ang mga langyaw nag-atubang og kasong kalapasan sa Republic Act (RA) 7610, o Special Protection of Children against Abuse, Exploitation, and Discrimination Act.