64 anyos patay human pauwani sa kinumo
Patay ang 64 anyos nga lalaki human kini naigo sa walop sa iyang silingan dihang nanghagit og sumbagay. Ang insidente nahitabo sa dakbayan sa Carcar.
Si Serino Lacaray, ulitawong guwang, dead-on-arrival(DOA) sa tambalanan sa Carcar samtang ang gitumbok nga suspetsado naila nga si Camlon Rallos, 33 ang panuigon.
Si SPO2 Erving Avila, imbestigador sa Carcar Police nga nahinabi sa Superbalita Cebu, nga hubog ang biktima niadtong hitaboa. S u mala pa niini nga nagkalalis ang duha tungod sa manok igtatari.
Dugang nasayran nga naglakaw ang biktima padulong sa balay sa iyang higala ug nagkasugat sila sa suspetsado.
Nagsugod ang mainiton nga panaglalis sa duha sa dihang nanghagit ang biktima og sinumbagay ngadto sa suspetsado.
Sa dihang nagharong ang duha, mipauwan og mga kinumo ang suspetsado nga miiigo sa apapangig sa biktima hinungdan sa pagkatumba niini ug napantok ang ulo sa semento.
Nawad-an sa panimoot ang biktima ug gitabang giNianang layon kini sa mga kabanay ug mga silingan.
Pero way suwerte kay nahunosan gyud si Lacaray sa iyang kinabuhi.
“Kusog nig kumo ang suspetsado solido tong miigo sa apapangig sa biktima. Nahagba gud dayon siya,” dugang ni SPO2 Avila.
Sa gihimong follow up operation, ang suspetsado nasikop ra dayon ug gikatakdang pasakaag kasong homicide.
Wala magdahom ang suspetsado nga mapatay niya ang biktima tungod sa iyang kinumo ug nagbasol kini sa iyang nahimo.