PENGUIN NGA BAYOT NAKAANAK
Ang mahuyang nga penguin nga silang Sphen ug Magic malipayong mianunsiyo sa pag-abot sa ilang piso nga ilang gibanosbanusan sa pagbantay karon.
Ang mananap nga sama ra ilang kinatawhan mipakatawo sa ilang anak niadtong Oktubre 19 nga may gibug-aton kini nga tres onsas sa Sea Live Sydney Aquarium.
Gitawag ang piso nga Sphengic, matod sa Mirror News.
Silang Sphen ug Magic mikawhat og atensiyo gikan sa mga empleyado sa aquarium dihang kanunay silang makita nga magkaangkaang ug magdungan sa paglangoy.
Misugod sila sa pagkolekta og salag nga mga bato hinungdan nga ang mga empleyado nagbutang og peke nga itlog aron ilang mabantayan ug dihang nahimo nila ang ilang gimbuhaton gibutangan silag tinud-anay nga itlog.
Nagkahiusa ang duha, matod ni penguin supervisor Tish Hannan.
Maila sa duha ang ilang tagsa-tagsa ka mga tawag ug kanta, matod ni Hannan.
Nitataw siya nga ang kadto lang mga suod kaayo nga penguin ang molampos sa pag-angkon sa ilang pares pinaagi sa pagtawag kon sila magkabuwag.
Lahi sa ubang mga mananap, ang lake ug baye nga penguins managsama ra ilang papel isip mga ginikanan diin magtunga sila.
Apan kumon sa lake ug lake unya baye ug baye nga magpakita nga may pagpanguyab ug may batasan sa pagpasanay.
Sa kalasangan, kining pagpanguyab di moresulta nga makapiso sila kay mubo ra ilang panahon sa pag-usa unya ang mga penguins di dayon ug mangita kinig laing pares,.
Matod ni Hannan nga kay milampos man sila nilagn Sphen ug Magic nga makapasanay silang dako kinig kahigayon bisan og “same sex” magbalik ra gihapon kini sunod tuig.
Niadtong 2009, ang duha ka mga lake nga penguins nga silang Z ug Vielpunkt milampos usab sa pagpangitlog ug nipasanay og piso apan gisalikway didto sa zoon sa Berlin.
Gawas kanila, anaa usab silang Roy ug Silo, pulos mga lake didto sa zoo sa New York nga kanunayng makit-an nga magtipon.
Dihang misuway sa pag-incubate sa bato, ang mga empleyado sa zoo mihatag kanilag tinuoray nga itlog ug ilang kini nga napatawo.
Ang pangalan sa ilang piso mao si Tango nga gipares usab kini og laing baye. /