Political will sa presidente
Daghan tingali ang moingon nga kalit man lang mibalising ang tigsuwat sa lindog sa Mata sa Agila sa Superbalita Cebu.
Kon akong ipadayag ang mga pagdayeg sa kalampusan ni Presidente Rodrigo Duterte, sa kausaban nga maayong nahimo sa paglimpyo sa Boracay.
Di ikalimod daghan ta og mga migawas nga estorya mga negatibong komentaryo ubos sa administrasyon ni Duterte.
Naglakip na sa mga komentaryo sa programa sa radyo nga akong gidumala nga anaa sa silong sa landong sa dyCM.Sama sa kaso sa extra judicial killing nga gipasangil ngadto sa kapulisan nga matod pa, ubos sa iyang kamandoan.
Lakip na ang kabastos manulti , pagbiaybiay og tawo nga di magustuhan. Bisan pa man ang kadagkoan sa simbahan kastiguhon pinaagi sa kahait sa iyang dila.
Salamat ni Digong napabalik ang kalimpyo sa labing nindot ug matahom nga dagat nga mao ang Boracay nga maoy garbo sa Pilipinas.
May kahadlok na ang anaa sa gobyerno nga kawatan sa di na pagpangawat. Way labot sa iyang mga suod nga gipanalipdan.
Pareho sa kontrobersya sa Bureau of Customs (BOC) gibalhin man lang sa laing buhatan ang gidudahan.
Sama sa gihapon manghinaot kita nga kon giminusan ang kabastos manabi sa presidente, hingpit na kining mawagtang.
Mao nay ilang giingon nga samtang buhi pa ang tawo dunay kahigayunan sa pagbag-o. Mausab man gani ang kabang sa nawong sa tawo aron mahimong guwapo o maanyag kon babaye man.
Apan duna may nag-ingon nga lisod na paga-usbon ang batasan sa tawo. Hinuon kon gusto gyud nga mag bag-o ug ubanan sa pag-ampo way imposibli ni Lord nga maoy labing makagagahum lakaw sa tanan.
Ang presidente gitunglo na sa uban. Hapit na kuno mamatay kay naay cancer mao nang lagum ang nawong.
Kon mahitabo, dili kaha sila kalagon sa presidente?
Kay matod pa sa mga tawong kontra ug nanonglo ni Duterte gikalag na niadtong mga tawong nangamatay sa kampanya sa illegal nga drugas.
Ang maayo di nalang manungo ug labaw sa tanan di mopatay og tawo!
Text: 09235562777
The President is not appointing or designating any member of the armed forces... These people will be there first to make their presence felt and hopefully intimidate those corrupt people there.”
- Presidential Spokesperson Salvador Panelo