“Ang babayeng puti”
Kay kalag-kalag na man pod, maghisgot tag kanang dili ingon nato. In dedication ni sa mga mitaliwan na ug ingon man sa mga aktibo pa sa ilang panginabuhi.
Ang opisina karon sa DA7 naa sa Experiment Station sa Mandaue City.
Sa unang adlaw pa lang nako sa opisina, duna na ko dayon gibati nga di masabot samtang naglingkod ko sa sofa. Morag dunay laing hangin.
Wa lang nako panumbalinga sanglit nagsagol-sagol man ang akong gibati niadtong tungora.
Tiaw bay deretso lang kog preside og management committee (Mancomm) meeting diin mga regional directors ug chiefs of division maoy mo-atender.
Usa ka gabii niana, adlaw nga Domingo kadto, nag-inusara ako sa opisina kay busy pamirma sa mga papeles kay gusto nako nga inig ka-Lunes, wa nay pirmahanan pa ug mahimo na ako mo-entertain sa mga bisita ug mo-attend sa mga meetings o program.
Lapas na kadto sa alas 12 sa tungang gabii pero daghan pa ko og pamirmahan pa.
Padayon ang akong pamirma ug basa-basa sa mga dokumento.
Samtang nagbasa ako og baga nga mga dokumento, dihay nasigpatan sa ngilit sa akong panan-aw ang morag puti nga mikalit og dagan.
Diha ra pod sa kilid sa akong lamesa.
Pagtan-aw nako, wala koy nakita.
Padayon akong pagpamirma. Taod-taod, diha na pod sa laing kilid sa lamesa.
Pagtan-aw nako, wala koy nakita.
Wala lang nako to tagda kay paminaw nako, basin gilamat lang ko tungod sa kadaghan sa mga (Ang kinatibuk-ang lindog ni Atty. Diputado mabasa sa https://www.sunstar.com.ph/ article/1771696/Superbalita-Cebu/Opinyon/ Diputado-Ang-babayeng-puti dokumento nga akong gibasa.
Pagkataod-taod, diha na gyod sa akong duol, gani misabod na man sa sidsid sa akong karsones ang puti nga nagdagan.
Nakita pa nako ang akong karsones nga milihok.
Apan wa gihapon koy nakita bisan akong gisibog akong lingkoranan.
Naminaw ko sa akong kaugalingon apan kalmado ra man ko maong mipadayon ra ko sa pagpamirma.
Naundang ra pod ang dagan-dagan sa puti.
Pasado alas 2 nahuman na kog pamirma, milahos ko sa akong sleeping quarters aron matulog na.
Samtang naghigda na ko, inanay nako gipiyong akong mga mata. Wala magdugay, nabatyagan nako nga midapat sa akong aping ang sidsid sa kortina sa kilid.
Wala nako tagda kay paminaw nako gipalid lang to sa hangin.
Apan naugnokan kong naghuna-huna nga giipit man unta sa katre ang kortina unya serado pod ang bintana sa kilid.
Maoy hinungdan nga mimata ako og akong gitan aw ang kortina.
Nganong midapat man sa akong aping ang kortina nga gipalugpitan man kini sa kilid sa katre?
Mao kini diha sa akong huna-huna sa dihang nakita na nako ang kortina.
Wala lang nako tagda kini ug padayon ako sa pagpiyong.
Wala magdugay, dihay hinay nga tuktok sa pultahan.
Naniid usa ako kon husto ba kini. Apan balikbalik man ang pagtuktok ug nagtuo ko nga basin ang security guard ang nanuktok, maoy hinungdan nga akong giabrihan ang pultahan. Pag-abri pa nako, wala may tawo.