PRACTICAL TIPS: TRANSPORTATION
(Part 3 of 3)
Basin og nagkinahanglan ka og reminder (tungod kay matag usa kanato nanginahanglan niini), nga dili sayon ang pagpangita og kwarta. Gisingotan kini, gikapoyan, anaa pa’y uban nga na-stress bag-o kini nakuha. Unya ang kamatuoran karon, mahal na kaayo ang pamaliton (hello, INFLATION!).
Kasagaran usab kanato, maglisod og tipig o save ug dali ra kaayo mogasto hilabi na nga hinagoan ni nato.
Aron matabangan mo karong panahon sa lisod, mahal, ug halos tingbits (ting bitay) matag semana, ania ang practical tips nga gikategoriya sa tulo ka bahin: Transportation. Paglakaw kon mahimo. Usa gyud ning lakaw nga option nimo hilabi na kon duol ra diay ang imong gigikanan ug padulngan. Nagkaskas lang ka’s plete nimo sa jeep ug taxi kon mamahimo ra ang maglakaw. Dili kaayo na layo kon usa lang kini ka kilometro. Mamahimo usab kini nga parte sa imong inadlaw-adlaw nga exercise. Basin maabot ang adlaw nga magsige na kag lakaw niya di naka mosakay?
Sakay og jeep. Ang labing barato nga klase sa transportasyon, mao kini ang jeep. Sa imong P7 mamahimo na kang maabot sa imong destinasyon. Hinuon kinahanglan
ka nga mo-familiarize sa mga rota sa jeep aron makahibaw ka asa ka paingon. Pahimulos sa libre nga
shuttle service. Kon anaa ka sa Robinsons Galleria o sa Robinsons Fuente, aduna’y free shuttle buses nga mamahimo nimong masakyan sa maong mga mall. Laing mga rota nga maagian niini ang SSS, Pantalan, North Bus Terminal, South Town Centre, Time Square sa Talamban, Guadalupe Church, Banawa Road, ug Wilson St. sa Lahug. Ang MyBus anaa sa’y libre nga sakay gikan sa BDO Fuente Osmeña paingon sa SM Seaside City ug pabalik. Siguroa nga i-check ang mga
schedule niini.
Carpool kauban imong
higala. Momahal ning Grab kon daghan ang nangita niini. Usa sa pamaagi nga maka-save ka sa imong kwarta mao ang pag-redeem sa imong points o kaha sa promos, apan dili kini permi. Kon pareha diay mo og paingnan sa imong higala, pagkuyog nalang mo niya tunga mo sa plete. Pakig-hitch. Kon maka-hitch diay ka sa imong papa o bisan kinsa sa imong pamilya, mas maayo. Pwede sab nga mahatod ka sa duol sa jeepney station aron makasakay ka. Planoha imong rota. Usa sa pamaagi nga makasave ka sa imong kwarta mao ang pagplano sa imong rota. Adto agi sa pinakadali nga agianan. Mamahimo usab nga mogamit ka og navigation app, dako usab ni’g tabang.
Telework. Wa na’y mas nindot aning nagtrabaho ka’s inyong balay. Gawas sa naka-save ka, makakwarta pa ka! / Namantala sa SunStar Weekend niadtong Septiyembre 16, 2018