PABOR SA DRUG TEST SA MGA 4TH GRADER

Pito sa 10 ka mga Pinoy nga anaa sa Visayas ang uyon sa tanyag sa Philippine Drug Enforcement Agency (PDEA) nga ipaubos sa mandatory drug test ang mga tinun-an sa grade

4 ug pataas. Mao kini ang resulta sa la- bing uwahi nga survey nga gihimo sa Social Weather Stations (SWS).

Samtang nagpabilin ang pagsalig sa mga Pinoy sa kampanya sa kasamtangang administrasyon sa ilegal nga drugas diin anaa kini sa +64 ang net agreement.

Sa 300 ka mga tawo nga gipaubos sa survey niadtong Septiyembre 15-23 sa SWS, mas daghang taga Visayas ang uyon nga ipaubos ang mga grade 4 o mga batang nagpangedaron og 10-anyos ug pataas nga ipaubos sa mandatory drug testing.

Ang Visayas maoy aduna’y taas nga net agreement sa maong survey nga +47 itandi sa ubang parte sa nasod.

Niabot usab sa 69% sa mga taga Visayas ang uyon sa i-mandatory drug test ang mga tinun-an diin gisundan kini sa 51% sa Mindanao ug sa 53% sa Metro Manila.

Sa tibuok nasod, 1,500 ka mga tawo ang gipaubos sa maong survey diin anaa sa 51% sa mga Pinoy ang uyon.

Nahimong kontrobersyal ang tanyag sa PDEA nga survey sa mga batang tinunan wala kini uyoni sa Department of Education diin mismo si DepEd Secretary Leonor Briones supak niini.

Sumala sa Dangerous Drugs Act (DDA,) ang mga tinun-an lang sa secondarya ug college ang mapaubos sa

random drug test.

Sa Central Visayas lang aduna’y kapin milyon ka mga tinun-an sa grade 4 hangtod grade 12.

Nagpabilin nga dunay pagsalig ang mga Pinoy kang Pres. Rodrigo Duterte sa kampanya niini batok ilegal nga drugas.

Sa Septiyembre 2018 nga survey sa SWS, 76% ang nakauyon sa pamaagi ni Duterte sa kampanya niini batok drugas samtang 12% ang wa makauyon.

Mas ubos hinuon ang Septiyembre 2018 nga net agreement nga +64 itandi sa +65 niadtong Hunyo 2018, ug +64 niadtong Marso 2018. /