Kapulisan sa Lapu, Mandaue mipahugot sa kampanya sa pagpanalipod sa kabataan

Giklaro sa kapulisan nga di lang sila kutob sa paggukod sa mga kriminal, apan pagtabang usab sa publiko ilabi na mga bata nga malikay gikan sa dautang elemento.

Mao kini ang pamahayag sa kapulisan sa mga dakbayan sa Mandaue ug Lapu-lapu bahin sa ilang gihingusgan nga programa alang sa kabataan atol ning pagsaulog sa National Children’s Month.

Mga symposium dha sa pampubliko ug pribadong’ tunghaan gihimo lakip na ang gift-giving sa mga kabus nga kabataan.

Nakita sa kapulisan nga ang kabatan-unan ang dali karon nga mabiktima sanagkadaiyang kremin ug magamit aron mamiktima. Ilabi na ang mga libud-suroy nga kabataan.

Aduna usab pipila nga nalambigit na sa prostitusyon bisan anaa sa tunghaan.

Si Chief Insp. Mercy Villaro, ang pangulo sa Women and Children Protection Desk (WCPD) sa Mandaue City Police Office (MCPO) nga mas gidoble nila karon ang ilang ipahigayon nga awareness campaign diha sa mga elementary ug high school sa dakbayan sa Mandaue, pagpahigayon og symposium.

Kini pagpasabot ug pagpahinumdom kalabot sa nagkadaiyang balaud, ilabi na may labot sa ilang katungod, lakip na sa ipasabot ang mga pamaagi nga mahimong’ mabiktima diha sa trafficking aron malikayan nga mabiktima sila, sama na sa prostitusyon.

Gipasabot usab ang may kalambigitan sa pagproteher sa kababayen-an.

“Kay anaa man sila sa usa ka pamilya, gawas sa ilang mga katungod isip bata, kinahanglan sad nila mahibaw-an ang mga balaud nga nag-protect sa ilang mga ginikanan, mga babaye, sama nalang ani VAWC (Violence against Women and their Children), ug hangtud na sa ill-effects of drugs, mga bating epekto kon mosulay ka og gamit sa illegal drugas,” pasabot ni Villaro.

Gihimug-atan ang striktong pagpatuman sa curfew ordinance, diin sukad enero hangtud Agusto ning tuiga, dulan sa 900 ang ilang na-rescue uban nga mga menor de edad. Uban nila sa pag-rescue ang taga City Social welfare Services sa kagamhanan sa Mandaue ug mga barangay opisyal.

Ang WCPD sa MCPO ang mopahigayon og team building sa mga children in conflict with the Law sa katapusan ning bulana.

Samtang, ang WCPD sa Lapu-lapu City Police Office, gawas sa awareness campaign ang mohimo’g gift giving, naglangkob niini ang mga hygiene kit ug uban pa.

Matud ni P03 Mildred Mancao, sa WCPD-LLCPO nga mohimo sila og pagkaon, diin ang mga benepisyaryo ang gatusan ka mga kabus.