LAKAW LINGAW-LINGAW PAINGON SA KAWA FALLS
Nagbutok-butok akong dughan samtang nagtungas sa dalan pasaka sa San Carlos Heights sa Barangay Quiot sa Dakbayan sa Sugbo. Nagpamahit na ang kainit sa panit--ang gasa sa Adlaw sa kabuntagon sa Dominggo.
Milingi ko sa akong mga kauban sa Sarasay, grupo sa mga kanunayng nagpangita og pamaol gikan sa paglakaw-latagaw sa kabukiran sa Sugbo. Gipaningot na silang Ernie, Hanz, Lovely ug Carmina. Ako pong sinina nahumod nas singot bisag pipila pa lang ka metros ang akong nalatas. sagbot daplin sa dalan basa pa. Ang dalan wala pa mahingpit og kauga human sa daklit nga pag-ulan sa kadlawon.
Mihinay-hinay ko sa akong mga lakang, nahadlok basin matakilpo o madam-ag ug masukamod. Taas pa ang latason, daghan pang singot paagason, daghan pang paminawon nga ritmo sa mga ugat sulod sa akong lawas.
Sa ibabaw nga bahin sa San Carlos Heights, makita na ang habagatang bahin sa siyudad. Mga utitod sa akong panan- aw ang mga edipisyo.
Sa mata sa bukid, usa ka halapad nga sam-ang ang dakbayan.
Miagi ang Sarasay sa usa ka paril nga adunay dakong bandal nga “Orayt.” Nagpakuha mig mga hula way atubangan sa paril. Human sa upat ka buwan nga wala mi makapabukid, nagkatapok na pod mig balik aron makiglumbanay sa hangak, makigbayloay og sugilanon ug katawa sa among mga kasinatian.
Pasado sa alas diyes sa buntag, nangabot mi sa Barangay Toong ug mihapit mi makadiyot sa tindahan. Human sa
snacks ug pahuway sa makadiyot, mipadayon mi sa among lakaw.
Mipadulhog mi sa Toong paingon sa Kawa Falls.
Ning higayona wala ko kapugong sa pagpangutana kang Ernie kon duol na ba ang Sarasay sa Kawa.
Mitubag siya nga duol na ang grupo.
Midulhog mi, misubay sa lapokon nga dalan, misingo sa kabaho sa hugaw gikan sa usa ka poultry farm hangtod milabang sa sapa nga konektado sa Kawa Falls.
Mitungas pa mi, misubay og dalan-dalan, milabay og kabalayan ug mga lalaki nga nanagdula og dayon-dayon nga
volleyball. Milugsong na pod mig balik sa sapa. Ning higaAng