Mga programa sa TV sagad Pasko ang tema
Didto sa Quezon Memorial Circle gibutang ang Unang Hirit SorpreSaya Box niadtong Lunes sa paglunsad sa Christmas Opening Billboard sa Unang Hirit sa GMA 7 nga gitawag og Sorpresayang Pasko.
Nigawas sa box ang hosts sa programa ug nanghatag og mga ganti sa mga Kapuso nga tigtan-aw sa Unang Hirit ug sa nilabay lang sa lugar, adunay mga nidaug og washing machine, TV, usa ka sakong bugas ug uban pa.
Tigsuroyan baya ko sa QMC kon makaduaw ko sa akong Tiyo Ernesto ug Tiya Vianing Doños (ug ilang mga anak nga si Eric John, Ernesto Jr. ug Helene).
Wa ko katayming dâ!
Daan pa gyud ko! Mobalik gyud ang karakter ni Eddie Garcia kay niadtong naligid siya ug nahagbong sa pangpang human sila nagpinusilay ni Coco Martin isip Cardo, wa man gi-establish nga namatay kini.
Pero bisan kinsa pay mobalik o mabanhaw, wa ra gyud koy problema. Ang ako ra gyud nga paspas ang dagan sa istorya ug daghang mahitabo kada gabii.
Aron ba sad di ta matental nga mobalhin sa ubang channel, mao bitaw tong niingon ko nga bisan kon daghan ang nanan-aw, di angay mokompyansa ang ABS-CBN.
Usa ra god na ka pislit sa remote control ug mokalit lag tungha si Hammer Man o si Victor Magtanggol sa GMA
7. O di ba? Nagkanindot na ra ba sab ang istorya niini.
Matud sa mga bosing sa ABS-CBN Corporate Communications nga sila si Kane Errol Choa, Aaron Domingo ug Sheryl Baltazar nga si Ms. U 2015 Pia Wurtzbach nilarga sa Singapore ug nakig-uban sa taga Singapore nga kanhi VJ, modelo, celebrity chef, negosyante ug karon yoga instructor nga si Vivien Tan-Vaca alang sa gitawag nga Crazy Rich Asian Tour sa programa ni Pia sa Metro Channel (Skycable ch. 52 ug 174) nga Pia’s Postcards.
Ilang ipakita ang mga talan-awon sa Marina Bay Sands Skypark Observation Deck, Gardens By the Bay ug uban pa.
Sa laing bahin, Chef Claude Tayag nibiyahe sa Dumaguete, Bohol, Laguna, Cavite, Pampanga ug Davao aron pagdiskobre sa mga lamiang pagkaon ning mga lugara ug mapakita sa mga tumantan-aw sa iyang programang Chasing Flavors sa mao gihapong channel.
Magamit ang inyong mga makat-onan aron lami ang inyong lutoon karong umaabot nga Pasko.
Nalingaw ko sa pelikulang Bohemian Rhapsody nga nagpakita sa kaagi ni Freddie Mercury uban sa iyang grupo nga Queen. Labaw sa tanan, nalingaw ko sa mga kanta nga gipasikat sa grupo niadtong dekada 70 ug 80.
Dunay uban nga nahinuklog ug nakahilak gyud sa kaagi ni Freddie. Wa ko makahilak pero nagplano nga mopalit og DVD aron makatan-aw og usab sa umaabot nga panahon.
Si Elsa Droga ug ang iyang igsoon ang nidaug sa The Kid’s’ Choice sa ABS-CBN adtong Dominggo ug ang pamilyang Santos sa Sabado. Pulos nakadawat og tag P500 mil ang duha ka mananaug. Pero mas nalingaw ko sa mga batang hurado labi na nila ni Carlo Mendoza ug Onyok Piproposal neda.