Padayunon o dili

Dear Papa Joe,

Ako diay si Joahna, 22 years old, taga Cebu. Naa koy boyfriend diha sa Cebu. Naa ko Saudi ron.

Ang akong kontrata sa Saudi kay tulo ka tuig. Sa wala pa ko ko molarga, sweet kaayo mi sa akong uyab. Puno mi sa panaad. Sungogon gani ko sa akong mga friends nga pabuwagan na lang siya sa di pa ko molarga kay wala kunoy ayo kay bayote. Pero I like him gyud baya that time.

Since paglarga nako, tagsa ra kaayo mi magka chat or text ,pero sige siya pada nako og e-mail pero di ko kabawos dayon kay busy. Pero sa tinuod lang, okay ra kaayo nako kay sa kadugayon nako sa Saudi, medyo nawala akong love kay naka focus o sa work ug sa income.

Ang nakakurat lang nako mao nga nigawas na man iyang pagka bayote. Labi na siya motubag nako nga may kasuko . Murag wala siyay paki ug wala gani na siya’y imik kon kami pa ba. Unsa kahay buhaton nako ani nga murag takilid man? Padayunon ko kaha ni? Or focus na lang ko sa work? Daghan ra ba sad na mga sheik nanguyab nako kay hitsuraan baya ko, Naa ko nag work sa usa ka airline. Please tambagi ko. JOAHNA

Joahna,

Long distance relationship often judged nga dili mo work. Daghan ang mo discourage, daghang mga trials nga masugatan, tentasyon. Halos lisud gyud. Pero kon love ninyo totally ang usag usa, kaya ra ninyo i-patch up ang mga pagkuwang kay ang understanding and love mopatigbabaw gyud.

Mao na giingon nga kon disidido mo nga mo workout, mabuhat ninyo, kay kagamay na lang sa kalibutan tungod sa technology. Ayaw lang ninyo i-dig ug I-bring up ang mga pagkuwang sama sa physical kay kon love ninyo ang usag usa, naa gyud na ang pagsabot ug pag inat sa pasensya.

Regarding sa iyang pagkabayote, maybe iya nang feminine side but it doesn’t mean bayot siya. Nasulti ra na nimo kay daghna naman ka og rason kay ni fade na iyang love. Maybe nangluod siya nimo maong wala siyay imik. Try to talk to him fairly so you will know and you can decide what to do.

PAPA JOE

(sa inyong tampo ipadala sa papajoesuperb@gmail. com)