Puro babaye

Dear Noy Kulas,

Ako si Inday. Ang akong suliran mahitungod sa akong uyab nga tomboy. Classmate mi sa college. Di siya mailhan nga toymboy kay sexy ug babaye kaayo tan-awon. Ang akong feeling para niya nagsugod dihang nag-reunion mi ug kalit lang nga nagka close.

Karon uyab na mi pero lain ang huna-huna sa among mga classmate kay luod na kuno kay 53 years old na mi. Actually, single ko, Noy, kay wa ko magminyo ug wa ko mo entertain og suitors. Wa gani ko magdahom nga sa tomboy ang akong bagsak ug ma in love og sama nako nga babaye. Never in my wildest dreams. But duna diay mga happening sa kinabuhi nga di nimo paabuton.

Sa among edad, ang feedback sa among mga friends kay maora mi og naa sa 30s. We look a lot younger daw sa among age. Ang naka bother nako ron mao ang akong family. Makadawat kaha sila sa akong uyab? Unsa may akong buhaton kon di sila mosugot? Di ba kaha mi kataw-an sa mga tawo?

INDAY

Inday,

Naka encounter na ko og mga relationship nga sama sa inyoha. Nagpuyo as husband and wife ang duha. Sagad failed ang relationship tungod sa nagkadugay wa na magkasinabot and dunay third party. Naay nailhan nako nga nag live in sila, apan gibiyaan sa babaye ang tomboy kay nakauyab siya ug nagminyo og lalake. Apan ning mga kaso nga akong nasugatan, sagad mga batan-on pa kay naa sa 20s.

Sa inyohang kaso, 50s na man mo, dako ang possibility nga mas successful ang inyong relasyon. Mas dali mo maka adjust kay lahi na ang inyong mental state. Sa pamilya, makadawat ra tingali na sila kon mao na ang imong desisyon kay naa na man ka sa edad nga angay nang mo settle down. Lisod na sab kon mangandoy kang makaanak kay sa edad nimo, kuyaw ang estado sa panglawas ug later complications. Busa, dako ang chances nga okay ra ang imong pamilya ninyong duha.

Kon di sila mosugot, pangutan-a ang imong kaugalingon, kinsa nga kalipay ang imong unahon, sa ubang tawo o sa imoha ning edad nimo karon? Sunda ang imong kasingkasing.

NOY KULAS