Imelda Marcos, mapriso kaha?

T“hey went into my closets looking for skeletons, but thank God, all they found were shoes,

beautiful shoes.” Mao kini ang pamahayag ni kanhi Unang Ginang ug karon Kongresista Imelda Marcos, ang numero unong shoe collector sa kalibutan.

Iya kining gipamulong sa pagbukas sa Marikina City Footwear Museum, sumal sa taho sa BBC News niadtong Pebrero 16, 2001. Kadaghana sa gi-exhibit sa maong museum mga sapatos ni Marcos nga natigum sud sa pipila ka mga dekada sa Malacanang.

Mga sapatos sa gyud kaha ang nakit-an sa dihang nilayas ang pamilyang Marcos, lakip ang dikatador nga si kanhi Presidente Ferdinand Marcos sa Malacanang human sa Edsa Revolution sa 1986?

Ang Sandiganbayan Fifth Division mikonbikto ni Imelda Marcos sa pito ka ihap sa kalapasan sa Anti-Graft and Corrupt Practices Act sa dihang iyang gibalhin ang mokabat sa $200 milyoines sa pito ka mga Swiss foundations samtang siya pa ang Metro Manila governor sa 1975.

Ang sentensiya sa pagkapriso ni Imelda Marcos, nga karon 89 nayos na, moabot hangtod sa 11 ka tuig sa matag pito ka kaso. Kon atong iphon, moabot sa 77 ka tuig. Ang pangutana mao, mapriso gyud kaha si Imelda Marcos?

Nakonbikto siya sa pito sa napulo ka mga kaso nga gipasaka batok kaniya didto sa Sandiganbayan. Abi nako kon mga sapatos, gatosan ka mga sapatos, ra ang nakit-an sa iyang closet sa Malacanang. duna pa siay laing nakit-an nga nakapakonbikto kaniya.

Apan ang maong desisyon sa Sandiganbayan di pa final. Samtang di pa final, mahimo pang mopiyansa si Marcos. Ang iyang mga abogado mopasaka pag motion for reconsideration.

Si Assistant Special Prosecutor Ryan Quilala niingon nga si Imelda Marcos, ubang sa iyang kapikas, si kanhi Presidente Ferdinand Marcos, nagdumala sa pipila ka mga Swiss

foundations nga supak sa 1973 Constitution.

“Lahat po ‘yon, do’n binuksan sa Switzerland, actually silang mag-asawa ang nagbukas. Ang makikita ninyo, para itago ‘yong account... "matod ni Quilala.