Sigeg check-in

Dear Papa Joe,

Ako si Marco, lumad nga taga Cebu. 30 na kapin akong edad ug duna nay stable job.

Para siguro sa uban nga magbabasa, dili kayo tantong bug-at akong problema. Mahitungod kini sa sex.Yes you read it right. Pero wala kini magkwestyon sa akong performance o gipangita. Ing ani man gud. Naa koy nahimong girlfriend nga 20 kapin na sad ang pangidaron. Dili na siya berhin kay nakuha na siya sa medyo bata bata pa siya. Matud niya wala gyud siya makabatig kanindot niadtong panahuna kon dili kasakit. Nahitabo lang kadto kuno ka usa kay nagkalagyo man sila dayon human makuha sa lalaki ang iyang pagkababaye.

Sa tinuod lang, salig ko niya kay tataw kaayo ang iyang pagka sincere nako. Kay nikabat pag lima ka tuig una siya nakauyab ug ako ang lalaki. Napamatud-an sad nako sa iyang parents unsay background ning bayhana maong wala ko mag duhaduha niya paghatag sa akong gugma.

Karon, mao kini akong problema, sukad iyang gitugyan nako ang iyang pagkababaye, magsige na man siyag hangyo nako. Hinuon dili kada adlaw pero maingon ta kon magdikit mi, moingon siyag, let’s tour the world.Way kwestyon nako pero ang nakadaot kay kalas og kwarta magsige’g check in unya mag taxi. Murag familiar na gud mi inig check out namo. Unsa man pud di man ko kabalibad, mosukol man sad. Maggutom gutom gud ko usahay kay mahutdan sa budget. Please lamdagi akong huna huna.

MARCO

Marco,

Unique sad imong proble no? Well, una, pasabta lang ang imong uyab sa tinuod nga sitwasyon. If ang kwestyun kay ang kwarta, ingna siya, siguro na spoiled nimo siya anang butanga. Sabta lang sad siya kay karon pa siya siguro nakatagamtam sa himaya sa gugma. Lantawa sad nga wala ba siyay symptoms sa pagka manyakis (hehehehe joke).

Bitaw basin dili na normal ang iyang gibati. But based on your story, dili man sad kada adlaw. Maybe she is just expressive sa iyang love nimo nga sa kadugayan mokayo.

Ayaw kabalaka naay kinutuban ang tanan, mapul an ra na igka dugayan. Ang problema diha og di na siya ganahan ug ikaw na ang manghangyo, di ba? Pag talk mo para masabtan ninyo ang estado ninyong duha. Makasabot ra na imong GF kay para nako nabaghuan ra na siya sa inyong tim-os nga pagka inlove. I-express ninyo sa paglambing lambing lang. Ask her kon di madala sa budget, puli puli mog bayad. Pero kon di siya kapugong sa iyang gibati, kana kuyaw na na basin nana siya’y sintomas sa pagka manyakis. Salamat.

PAPA JOE

(Sa inyo tampo ipadala sa papajoesuperb@gmail.com)