‘SPECIAL POWER’ ALANG SA PANTAWID PASADA

Sugod kagahapon, Nobiyembre 13, mamahimo nang magpadala og Special Power of Attorney ang tanang operator nga di makakuha og personal sa ilahang Pantawid Pasada Programa cards gikan sa Land Transportation Franchising and Regulatory (LTFRB) 7.

Gipahibaw sa regional director sa LTFRB 7 Eduardo Montealto Jr., nga aduna pa’y

2,800 ka mga cards ang wala pa ma-claim.

“2,303 cards (claimed) as of last Thursday. Our regular distribution at the Land Bank of the Philippines P. Del Rosario St., is every Tuesday, Wednesday, & Thursday,” si Montealto nagkanayon.

Aduna’y format sa SPA ang LTFRB 7 nga mamahimong makuha sa ilahang buhatan.

“Kon kaya nila until Nov. 29, 2018 ra gyud unta para mahurot ni for the next batch of cards to release,” matod sa direktor sa deadline niining pagkuha sa maong cash cards.

Pasabot ni Montealto nga dili lang ang LTFRB 7 ang naghimo niini, apan lakip na ang ubang rehiyon tungod sa mga rason nga di personal nga makakuha ang operator o

franchise holder sa maong fuel subsidy cards sa gobyerno.

“All of the regions have similar observations like: tua sa abroad ang operator, nagkasakit, PWD, Senior Citizen, etc. Sa banko it’s their regulation nga kon kinsay nakabutang pangalan sa Card mao gyud ang mokuha. And it’s now resolved as agreed between LTFRB and LBP.”

Ang Pantawid Pasada Programa usa kini sa programa sa kagamhanan isip fuel subsidy sa mga jeepney operators ug

drivers aron maminus-minusan ang impact niini sa pagsaka sa presyo sa produkto sa petrolyo subay sa pagpatuman sa Tax Reform for Acceleration and Inclusion (TRAIN) law./