MAGPALE SAKSI SA KASO BATOK GARCIA
Si Bise Gob. Agnes Magpale magsilbi nga witness o saksi sa kasong gikalambigitan ni Gwendolyn Garcia, kanhi gobernador sa Sugbo ug karon congresswoman sa 3rd District sa Sugbo, subay sa pagpalit sa Balili property sa dakbayan sa Naga.
Ang Sandiganbayan mohimo og case conference sa Sugbo karong buwana subay gihapon sa maong kaso. Ang trial proper sugdan sa Enero 2019 ug gitinguha nga madala usab dinhi ang husay. Dunay himuon nga case conference sa Sugbo sa kasong kriminal subay sa pagpalit sa Balili property karong Nobiyembre 26, 27 ug 28.
Kini maoy gitug-an ni Magpale human ang duha ka adlaw nga pagtambong niya sa preliminary conference sa kaso ngadto mismo sa Sandiganbayan sa kauluhan niadtong Nobiyembre 12 ug 13.
Si Magpale gipatawagsummon sa anti-graft court ug magsilbi nga usa sa mga saksi sa kaso.
Matod ni Magpale, dunay daghang mga dokumento ug impormasyon nga kinahanglang makuha ang prosekus- yon sa maong kaso apan wala niya mahatag dihang niatubang sa preliminary conference tungod kay wala siya’y hanaw niini ug wala siya maghupot sa mga dokumento.
Dugang niya, posibleng ang provincial treasurer, accountant ug budget officer lang ang makatubag sa uban pang pangutana.
Si Garcia, kinsa kaatbang ni Magpale sa posisyon pagka-gobernador sa eleksiyon sunod tuig, nagkanayon, “I
don’t know unsay kahinatnan niini. Ako, I’m just doing my job. I was asked to testify and I will testify,” niingon si Magpale.
Sa Enero 30 ug 31 sunod tuig na matod pa sugdan ang trial proper sa kaso. Nanghinaot si Magpale nga anhi na lang usab kini himuon sa Sugbo sanglit daghan sa mga personalidad nga nalakip sa kaso ang ni-a magbase dinhi.
Una nang gi-abswelto sa kasong administratiba si Garcia, subay sa Balili purchase, tungod usab sa Aguinaldo Doctrine o Doctrine of Condonation, human siya nakadaog gihapon sa eleksiyon.
“It’s a subpoena. She will have to appear before the Sandiganbayan. It will be an opportunity for her to truthfully testify that, as a provincial board member then, she was one of those who gave me the authority to purchase the Balili property. In effect, she too approved of the purchase,” matod ni Garcia.