Dunay shabu lab dinhi sa Sugbo?

OOPSS... Gibanabanang moabot ngadto sa P39 milyones ang balor sa shabu nga nasakmit sa kapulisan niadtong Dominggo sa kaadlawon atol sa gipahigayong ronda sa Sityo Caimito, Barangay Tisa, dakbayan sa Sugbo. Kini ang kinadak-ang kantidad sa shabu nga nakuha sa mga tinu yanan sa balaod dinhi nga naghatag og dugang tanghaga nga taliwala sa kusganong kampanya ni Presidente Rodrigo Duterte batok sa gidiling drugas, nagkadako ug nagkadaghan na man hinuon ang mga nangasakmit sa mga illegal drugs.

Si Jeffrey Jade Cabaron, 25, lumad nga taga Barangay Suba, Cebu City nag-abang lang og kuwarto sa Barangay Tisa nga posibling maoy iyang gihimong bodega.

Misubaw ang iyang mga pangalan human pipila ka mga pushers nga nangadakpan ang mitumbok kaniya nga maoy tinubdan sa shabu nga ilang ipamali ya.

Niadtong Nobiyembre 8, 10 ug 15, ang CCPO, sa ilang anti-narcotics operations, nakasakmit usab og P13 milllion nga balor sa shabu.

Sa bulan sa Agosto, mokabat usab og P6.5 million ang kantidad sa shabu nga nakuha sa usa ka boarding house sa Barangay Sambag 2.

Sa ato pa, sayon na diay ron ang pagpangompra ug pag-stock sa shabu sa mga pushers kay tiaw mo bay minilyon naman ang mga masakmit sa raid -- timaan nga nagkadaghan na.

Saludo kita niining subsob nga pagpanakop sa kapulisan niining mga bigtime nga tigpayuhot sa gidiling drugas.

Dili kaha tinuod tong giingon ni Cebu City Police chief Royina Garma nga posibling adunay shabu laboratory dinhi sa Sugbo?

Kon atong sakyan ning mga huhungihong, nganong nibalik na man sab karon sa pagkatap ang shabu sa mga dapit nga notado na nga dangpanan sa mga adik?

Kini maoy angay tutukan sa atong mga tinu yanan sa balaod.